Ved Avdeling fysikalsk medisin og rehabilitering har vi ledig 100% fast stilling som overlege. Vi ønsker å styrke laget vårt med ein overlege innan ein av følgande spesialiteter; indremedisinske spesialitetar, nevrologi, allmennmedisin eller fysikalsk medisin og rehabilitering.

Vi er ein spennande arbeidsplass, med engasjerte og kompetente medarbeidarar, og ønsker ny overlege med i vidaretviklinge av gode tenester. Du får eit variert arbeidsområde med faglege utfordringar. 

ReHabiliteringsklinikken greier ut og behandlar menneske med medfødde og erverva skadar, slik at dei kan oppleve meistring, livskvalitet og betra funksjonsnivå i kvardagen. Her samarbeider mange helseprofesjonar. Vi arbeider tverrfagleg med komplekse medisinske problemstillingar. 

Klinikken består av Avdeling for fysikalsk medisin og rehabilitering (AFMR), Habiliteringstenesta for vaksne (HAVO) og Regionalt kompetansesenter for habilitering og rehabilitering. Klinikken gir spesialiserte tilbod og tenester til mennesker med komplekse og samansette behov for utgreiing, vurdering og rehabilitering/habilitering i sjukehus. Tilbodet omfattar døgnbehandling, dagbehandling og poliklinikk. Vi har fleire regionale funksjonar og ein nasjonal funksjon, og er tyngdepunktet for spesialisert habilitering og rehabilitering for vaksne i Helse Vest. Vi samarbeider tett med ulike einingar i spesialisthelstenesta inkludert psykisk helsevern, og førstelinjetenesta. 

Avdeling for fysikalsk medisin og rehabilitering held til på Nordås. Vi gir spesialisert rehabiliteringstilbod til pasientar med erverva hjerneskade, multitraume, nevrologiske lidingar, kreft, brannskade, amputasjonar, funksjonelle nevrologiske lidingar, CFS/ME, muskel- og skjelettplager/-smerter m.a. Vi har for tida 15 legar, inkludert LIS.

Klinikken er i ei spennande utviklingsfase med pågåande og planlagde utviklings- og endringsprosessar, m.a. knytt til nybygg og samlokalisering på Nordås i 2028   

Arbeidsoppgåver
• Utgreiing, diagnostisering og behandling på sengepost og i poliklinikk
• Vurdering av tiltak vidare, og dialog med/tilvising til andre instansar
• Råd og rettleiing til pasientar, pårørande og andre samarbeidspartar
• Samarbeid i tverrfagleg team
• Leie tverrfagleg team
• Fagutvikling og evt forsking
• Kurs, undervisning og pasientopplæring
• Vurdere tilvisninger i regional vurderingseining
• Inngå i vaktordning

Kvalifikasjonar
• Legespesialist innan relevante indremedisinske fag, nevrologi, allmennmedisin, eller fysikalsk medisin og rehabilitering
• Motivasjon og interesse for tverrfagleg medisinsk rehabilitering
• Erfaring med målgruppene for rehabilitering i spesialisthelsetenesta er ein fordel 
• Kommuniserer og samarbeider godt med pasientar, pårørande og kollegaer
• God på tverrfagleg teamarbeid
• God kommunikasjon på norsk, både skriftleg og munnleg

Personlege eigenskapar
• Gode relasjonelle ferdigheiter og samarbeidsevner
• Evne til målretta arbeid
• Vilje og evne til nytenking
• Ønsker å vidareutvikle kompetansen sin og bidra i fagutvikling og forsking  
• Klarer å planlegge og gjennomføre langsiktig tiltak og endringar
• Takler travle og akutte situasjonar
• Trivast i eit tverrfagleg miljø 
• Bidrar til eit godt arbeidsmiljø
• Arbeider godt både sjølvstendig og i team
• Personleg egnethet blir vektlagt 

Vi tilbyr
• Eit spanande tverrfagleg arbeidsmiljø, høg kvalitet og fokus på kontinuerleg forbetring
• Moglegheit for fagleg og personleg utvikling
• Lønn i samsvar med gjeldande overeinskomst
• Gode pensjons- og forsikringsordningar
• Ein arbeidsplass som er ein inkluderande arbeidsliv-bedrift (IA-bedrift)

Vi oppmoder alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Herborg Tegle, Seksjonsleiar, 468 94 607, herborg.tegle@helse-bergen.no

Arbeidsstad

Nordåsgrenda 4

5235 Rådal

Nøkkelinformasjon:

Arbeidsgivar: Helse Bergen HF

Referansenr.: 5123960227

Stillingsprosent: 100%

Fast

Startdato: 24.08.2026

Søknadsfrist: 14.06.2026