Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis. Vi behandler hovudsakleg prioriterte pasientgrupper, men tar også i mot vaksne, betalande pasientar.
Vi har ein unik kompetanse, tilbyr spesialistbehandling og driv fagleg utvikling og forsking. Gjennom vårt førebyggjande arbeid, forsking og behandling legg vi grunnlaget for god folkehelse i Vestland.
Vi er om lag 550 tilsette fordelt på 55 tannklinikkar, ein intern fagstab og vårt kompetansesenter, TkVestland.

Vest tannhelseområde har ledig 100% fast stilling som tannlege. Tiltreding 02.03.2026Tenestestad er for tida delt med 60% stilling ved Eivindvik tannklinikk og 40% stilling ved Manger tannklinikk.  Klinikkane høyrer til Nordhordland klinikkområde, som også inkluderer Lindås tannklinikk og Nordhordland tannklinikk.
Eivindvik tannklinikk har til saman 3 tilsette:  tannlege,  tannhelsesekretær og tannpleiar.  Tannklinikken er lokalisert på kommunehuset i Eivindvik.  Eivindvik er administrasjonssenter i Gulen kommune og ligg ca 11 mil frå Bergen.  Ved tilsetting av tannlege som bur så langt frå Eivindvik at det ikkje er mogleg å dagpendle, vil me leggja til rette for at vedkomande kan jobbe fleire dagar i strekk.  Me vil stille med pendlarbustad, og reise blir inkludert i arbeidstida.  Du finn informasjon om Gulen kommune på deira heimeside: https://www.gulen.kommune.no/
Manger tannklinikk har til saman 5 tilsette: 2 tannlegar, 2 tannhelsesekretærar og 1 tannpleiar.  Tannklinikken er lokalisert i Manger sentrum i same lokale som legekontor. Ligg ca 5 mil frå Bergen sentrum, så det er mogeleg å dagpendle til klinikken.  Ligg i Alver kommune.  Du finn informasjon om Alver kommune på deira heimeside:  https://www.alver.kommune.no/
Som tannlege ved Eivindvik tannklinikk og Manger tannklinikk, kan ein rekne med å få spanande og varierte arbeidsdagar med behandling av pasientar i alle prioriterte grupper, samt vaksne, betalande pasientar.  Ein får jamleg høve til å utfordre seg innan dei fleste fagfelt som t.d. endodonti og protetikk.  Tannklinikkane har tett fagleg samarbeid med dei andre klinikkane i klinikkområdet.

Arbeidsoppgåver
• Du utfører klinisk arbeid for alle pasientgrupper, inklusiv vaksne betalande pasientar.
• Du held deg fagleg oppdatert og følger gjeldande lover og retningslinjer for evidensbasert behandling, samt
jobber for å nå måla til Vestland tannhelseteneste.
• Du deltar i HMS-arbeid og kvalitetsutvikling, samt andre felles oppgåver for drift av klinikken.

Kvalifikasjonar
• Norsk autorisasjon som tannlege
• Behersker norsk som arbeidsspråk, skriftleg og munnleg
• Godkjend politiattest

Personlege eigenskapar

Du likar å arbeide med menneske og har alltid pasienten i fokus.

Du kan samhandle med ulike pasientgrupper. Du kommuniserer godt og har evne til å skapa gode relasjonar til pasientar, pårørande, kollegaer og andre samarbeidspartar. Du trivst med å jobbe i team og er aktivt med på å skape eit godt arbeidsmiljø.

Du arbeider systematisk, strukturert og planmessig for å nå måla våre.

Du er nysgjerrig og interessert i fagleg utvikling, du deler også kompetanse med andre.

Vi tilbyr
• Ein meiningsfull, samfunnsnyttig og variert arbeidskvardag med pasientar i alle aldrar
• Eit arbeidsmiljø med høg fagleg kompetanse
• Etterutdanning og kurs for fagleg og personleg utvikling
• Løn etter avtale, for nyutdanna er årsløna for tida kr 640.000,- • Gode offentlege pensjons - og forsikringsordningar

Kontaktinformasjon

Harald Isdal Kvamme, klinikkleiar (tannlege), 91750454

Agnete Norheim Kaldestad, områdeleiar tannhelse, 41644936

Arbeidsstad

Eivindvikvegen 1119

5966 Eivindvik

Nøkkelinformasjon:

Arbeidsgivar: Vestland fylkeskommune

Referansenr.: 5053473216

Stillingsprosent: 100%

Fast

Startdato: 02.03.2026

Søknadsfrist: 15.01.2026