Om stillinga

Statens naturoppsyn (SNO) er ei avdeling i Miljødirektoratet og er det operative feltorganet til direktoratet. Vi fører tilsyn med at føresegnene i miljølovgivinga blir overhaldne gjennom kontroll, informasjon og rettleiing, og arbeider med registrering, dokumentasjon, skjøtsel og tilrettelegging i naturen. Avdelinga har cirka 100 tilsette fordelte over heile landet, og har leiinga og ein sentral stab lokalisert i Trondheim. 

Denne stillinga ligg i seksjon tilsyn kyst som har hovudoppgåvene sine knytte til lakseoppsyn og tiltak i verneområder langs kysten, men jobbar tverrfagleg med oppgåver som følgjer av lov om statleg naturoppsyn og overordna føringar. Seksjonen har 18 medarbeidarar. 

Det primære geografiske arbeidsområdet for stillinga er Vestland fylke, med kontorstad i Florø. Du må rekne med å bidra i oppdrag på tvers av fagområde og seksjonar, også utanfor din eigen region. Arbeidsoppgåvene dine kan bli endra etter behov hos arbeidsgivar.

Som tilsett i SNO lokalt vil du utførekontrolloppgåveri tråd med naturoppsynlova. Det er derfor ein føresetnadat du kan få tildelt avgrensa politistyresmakt.For å få tildelt avgrensa politistyresmakt må du leggje fram uttømmande og utvida politiattest for politiet. Søknad om avgrensa politistyresmakt blir sendt politiet etter at du formelt har takka ja til stillinga. 

 

Stillinga sine hovudansvarsområde
• drift og dagleg vedlikehald av patruljebåt over 8 meter
• lakseoppsyn i sjø og vassdrag
• båtbistand i samband med andre sjørelaterte SNO oppgåver
• videreføre samarbeidet regionalt med eksterne samarbeidspartar
• ansvar for oppfølging av verneområder i regionen

Kompetansekrav

Kvalifikasjonar• relevant høgare utdanning på masternivå, fortrinnsvis innan naturvitskaplege fag. Særleg relevant realkompetanse kan vege opp for kravet til utdanning.
• du må ha god muntleg og skriftleg formuleringsevne på norsk
• førarkort klasse S (eller tilsvarande) for bruk av snøskuter, og klasse BE (krav ved tiltredingsdato)
• du er sjøvand, har kjennskap til drift av båt over 8 meter og har god reiskapskunnskap
• du må ha båtførarkompetanse, D6 sertifikat og SRC VHF sertifikat innan tiltreding. ROC vil telje positivt. 
• gyldig helseerklæring frå sjømannslege ved tiltreding

Det er ønskjeleg med• kjennskap til den geografiske regionen i stillinga 
• relevant praktisk erfaring frå feltarbeid, særleg på kontroll og oppsynsarbeid, vil tilleggjas tvesentleg vekt
• gjennomført naturoppsynkurs vil telje positivt

Eigenskapar• du har god rolleforståing og evnar å stå i krevjande situasjonar over tid innanfor eit omdømmekritisk arbeidsområde
• du er praktisk innretta og liker å arbeide ute i felt og om bord i båt
• du trivst med å arbeide sjølvstendig, tek ansvar for framdrift og kvalitet i leveransane dine i tråd med gjeldande instruksar
• du har gode samarbeidsevner og evnar å handtere vanskelege situasjonar på ein diplomatisk måte
• du har gode kommunikasjons- og formidlingsevner
• du rapporterer raskt og presis på dei oppgåvene som blir utførte

Vi tilbyr
• fast stilling som rådgivar eller seniorrådgivar med lønn i lønnsspennet frå kr. 600 000 - 900 000 etter erfaring og kvalifikasjonar. Særskilt kvalifiserte søkarar kan vurderast høgare. 
• ein spennande og utfordrande jobb der du er mykje i felt, både på sjøen og på fastlandet
• gode høve for fagleg og personleg utvikling
• eit godt og breitt nettverk av kollegaer i Miljødirektoratet
• eit breitt tilbod av sosiale, kulturelle og sportslege aktivitetar, inkludert trening i arbeidstida
• fleksible arbeidstidsordningar og gode pensjons- og bustadlånordningar i Statens pensjonskasse

Har du spørsmål?

Kontaktperson for stillinga er seksjonsleiar Knut Magne Thomassen, tlf. +47 41 41 03 83 eller e-post knut.magne.thomassen@miljodir.no 

Oppgi referansenummer 107-2025 SAK når du tek kontakt.

Generelle opplysningar

Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.

Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. 

Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal. Avkryssinga blir også brukt i ein anonymisert statistikk som alle statlege verksemder har med i årsrapportane sine.

Meir informasjon om korleis vi handterer opplysningar om deg som søkjar, kan du finne i personvernerklæringa vår.