Se under for stillingsutlysning på norsk
Sámediggi lea nationála álbmotválljen orgána sápmelaččaide Norggas. Sámediggi bargá politihka ja hálddahusa bokte vai sápmelaččat besset sihkkarastit ja ovdánahttit gielaset, kultuvrraset ja servodateallima. Sámedikki bargin lea dus vejolašvuohta doalvut Sámedikki min višuvnna guvlui Ovttas nannet Sámi.
 
Ráđđeaddi – Seniorráđđeaddi
Virggi birra
Sámedikkis lea gelddolaš virgi rabas dehálaš fágasuorggis. Virgi lea mánáidgárde- ja vuođđooahpahusjuhkosis, mas lea ovddasvástádus sámi mánáid oahpahusas vuođđoskuvllas ja joatkkaoahpahusas, ja sámi mánáidgárdefálaldagain. Mii áimmahuššat sámegiela, servodateallima, historjjá ja árbevieruid vuođđooahpahusa ja mánáidgárdefálaldaga oktavuođas. Juhkosis lea maiddái ovddasvástádus čuovvulit politihkalaš mearrádusaid fágasuorggis ja bargá integreret sámi perspektiiva lágaide ja eará stivrendokumeanttaide. Mii ovttasbargat máŋggabealat ja gelddolaš doaimmaid hárrái. Virgi galgá erenoamážit čuovvulit Sámedikki ovddasvástádusa sámi giellaoahpahusa hárrái, ja vuosttažettiin oahppoplánadahkosa ja Fágaođastusa 2020 barggu.
 
Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas.Sámedikki bargit fertejit rehkenastit veahá mátkkoštit.
 
Barggut
Barggut mat gullet virgái:• Ráđđeaddin, áššemeannudeapmi ja čielggadeapmi fágasuorggis mii váikkuha sámi politihkka- ja servodatovddideapmái
• Čuovvut mielde mii dáhpáhuvvá fágasuorggis, ja veahkkin ovddidit fágasuorggi dan bokte ahte aktiivvalaččat ohcat máhtu, analyseret ja juogadit ipmárdusa politihkalaš, servodatlaš ja fágalaš ovddideamis
• Buktit fágalaš árvalusaid, árvvoštallamiid ja ávžžuhusaid siskkáldasat doarjjahálddašeami oktavuođas
• Koordineret ovdánahttinbarggu, bagadallat sihke bargoguimmiid ja earáid servodagas
• Veahkehit ovddidit ja váldit atnui ođđa bargovugiid, sihke bargometodaid ja reaidduid, ja innovašuvnna oktavuođas politihka- ja servodatovddideamis 
• Gulahallan ja ovttasbargu relevánta aktevrraiguin fágasuorggis
• Veahkkin ráhkadit ja jođihit čielggademiid ja prošeavttaid fágasuorggis ja dievasčoahkkináššiid oktavuođas
• Veahkkin ráhkadit statistihkaid
• Eará barggut sáhttet boahtit

 
Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.
 
Gelbbolašvuohta
Mii ohcat du geas lea:• Masterdási oahppu universitehtas/allaskuvllas juogo juridihkalaš fágain, servodat- dahje oahppodiehtagis, ja áinnas maiddái sámegieloahppu fágasuorggis. Jus dus lea unnimustá bachelorgráda dahje vástideaddji oahppu, ja unnimustá vihtta jagi relevánta hárjáneapmi, de sáhtát árvvoštallojuvvot virgái
• Čálalaš ja njálmmálaš sámegiel ja dárogiel giellagelbbolašvuohta
• Buorre digitála gelbbolašvuohta mii mielddisbuktá ahte leat hárjánan geavahit Microsoft Office-páhká dahje sullasaš reaidduid

 
Lea ovdamunni jus:• Dus lea hárjáneapmi oahpahussuorggis ja dovddat relevánta lágaid ja njuolggadusaid, áinnas sámegieloahpahusa oktavuođas
• Dovddat sámi mánáidgárde- ja skuvlafálaldaga
• Máhtát eŋgelasgiela čálalaččat ja njálmmálaččat

 
Persovnnalaš iešvuođat:
Oahpahussuorgi rievdá čađat. Danne ohcat olbmo gii máhttá analyseret moalkás hástalusaid, ovdánahttit beaktilis strategiijaid ja gávdnat buriid čovdosiid moalkás hástalusaide. Ossodat bargá viiddis fágasurggiin, ja mis leat oanehis áigemearit main šaddat čuovvut lágaid ja njuolggadusaid. Danne mii ohcat du gii liikot jođánit bargat ja leat áŋgir oahppat ođđa áššiid.  Virgi gáibida lea ahte máhtát bargat iešheanalaččat, ahte leat ortnetolmmoš ja ahte dus leat buorit čađahannávccat.  Muhtomin fertet leat gearggus bidjat eret bargguid maiguin leat bargame ja čoavdit hoahppobargguid. Danne lea dehálaš ahte don leat geabbil ja bálvalusmielalaš. Sámedikkis leat ovcci iešguđetge kantuvrabáikki, ja mii ovttasbargat beaivválaččat Teamsas. Danne fertet máhttit bures ovttasbargat ja gulahallat earáiguin, maiddái digitála lávddiin. Mii atnit árvvus buori bargobirrasa, ja mii ohcat du gii liikot bargat olbmuiguin ja háliidat veahkkin hábmet buori bargodili.
 
Gelbbolašvuođa árvvoštaladettiin deattuhuvvo oahppu, bargoduogáš, persovnnalaš heivvolašvuohta ja bargomiella virgái.
 
Ohcanáigemearri 19.01.2026 
 
Mii fállat
Min luhtte beasat bargat miellagiddevaš bargguid Sámedikki máŋggabealat birrasis.
Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmálaš ja čálalaš sámegielgelbbolašvuođa ovdal go mii olahit mihttomeari.
Sámediggi čuovvu stáhta láhka- ja šiehtadusdoaimma.
 
Min luhtte oaččut• Buriid loatna- ja ealáhatortnegiid Stáhta penšuvdnakássas, gessojuvvo 2% bálkkás Stáhta penšuvdnakássii.
• Buohkain geat ásset guovlluin gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 20 proseanttain jahkái gitta 60 000 ru rádjai, sii ožžot maiddái sierra vearrogessosa.
• Nuvttá mánáidgárdesadji Finnmárkkus ja Davvi-Romssas 
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis
• Gelbbolašvuođaloktema sámegielas ja kulturipmárdusas

 
Máŋggabealatvuohta Sámedikkis
Mii oaivvildit ahte fátmmasteapmi ja máŋggabealatvuohta lea givrodat. Mii háliidit mielbargiid geain lea iešguđetlágan gelbbolašvuohta, fágakombinašuvnnat, eallinvásáhusat ja perspektiivvat vai barggut čovdojuvvojit vel buorebut. 
Sámediggi ávžžuha evttohasaid, geain lea gelbbolašvuohta, ohcat bargui beroškeahttá agis, sohkabealis, nationála dahje čearddalaš duogážis, doaibmavádjitvuođas dahje CV ráiggis.
Sámediggi lea IA-(SB) bargosadji (Searvadeaddji Bargoeallin) ja deattuha bargodilálašvuođaid heiveheami iešguhtege mielbargái.
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1434 Ráđđeaddi, 615.000 - 750.000 ru. jahkái dahje 1364 Seniorráđđeaddi, 670.000 - 820.000 ru. jahkái, vuolgá ohcci bargohárjáneamis ja gelbbolašvuođas. Bálká mearriduvvo ohcci bargohárjáneami ja gelbbolašvuođa vuođul. Virgekodii 1364 Seniorráđđeaddin gáibiduvvo dábálaččat masterdási oahppu ja guhkit relevánta bargohárjáneapmi. Virgádeapmi dahkkojuvvo gustovaš lágaid, njuolggadusaid ja šiehtadusaid olis.
Virggis lea 6 mánu geahččalanáigi.
 
Ná ozat virgái min lusa
Orru go virgi miellagiddevaš ja háliidat go ohcat? Jus galggat registrerejuvvot siskkaldas ohccin, de fertet sáddet ohcama DFØ HR bokte. DFØ HR siidduid listtus gávnnat “Karrierer” nammasaš siiddu, gosa buot siskkaldas virgealmmuheamit biddjojuvvet, ja gos don maiddái sáddet ohcama. Mii bivdit du bidjat mielde oahppo- ja bargoduođaštusaid ja ohcanreivve. Mii bivdit du namuhit unnimusat guokte referánssa juogo ohcanreivves dahje CV:s. Jus dus lea oahppu olgoriikkas, de bivdit mii du bidjat mielde dohkkeheami Alit oahpu- ja gelbbolašvuođadirektoráhtas. Don gávnnat eanet dieđuid dan birra dás: Søk godkjenning av høyere utdanning (bachelor, master, ph.d) | HK-dir (hkdir.no). Mii árvvoštallat du ohcama daid dieđuid vuođul maid leat sádden midjiide go ohcanáigemearri lea dievvan. Lea danne dehálaš ahte don čájehat movt du gelbbolašvuohta deavdá gelbbolašvuođagáibádusaid mat leat čilgejuvvon almmuhusas.
 
Ohcciidlistu
Go ohcanáigemearri lea dievvan, de ráhkadit mii almmolaš ohcciidlisttu. Jus it hálit iežat nama oidnot dán listtus, de fertet russet ja čilget dan ohcamušas. Mii váldit oktavuođa duinna jus eat sáhte vuhtiiváldit du sávaldaga čiehkat nama ohcciidlisttus. Ohcciidlisttu beassá geahččat go jearrá.
 
Oktavuohta
Eanet dieđuid virggi birra oaččut go válddát oktavuođa Juogushoavddain Brita Oskal Eira tlf. +47 99 69 01 74 - brita.oskal.eira@samediggi.no
Eanet dieđud Sámedikki birra gávnnat min ruovttusiiddus samediggi.no.
 
Min birra
Sámedikki bargit barget dieđuid vuođul ja lea njunuš institušuvdna Sámis. Min bargiin lea alla gelbbolašvuohta iešguđet fágasurggiin ja áŋgiruššet Sámedikki mandáhttii, višuvdnii ja bargguide. Sámedikki bargin don sáhtát earret eará bargat politihkalaš mearrádusaid čuovvulemiiguin, joatkevaš buoridemiiguin ja hálddašan- ja áššemeannudanbargguiguin.
Sámedikki hálddahusa jođiha direktevra, dat lea juhkkojuvvon fágaossodagaide ja juhkosiidda, ja das leat sullii 150 jahkebarggu. Sámedikkis leat gáiddus bargosajit, gos bargit barget ossodagaid ja juhkosiid rastá. Parlameantavisti lea Kárášjogas, ja eará kántursajit leat Vuonnabađas Unjárggas, Guovdageainnus, Olmmáivákkis Gáivuonas, Romssas, Skániin Dielddanuoris, Ájluovttas Hábmeris, Aarbortes ja Snåases. Bargit sáhttet guossin bargat eará kántorsajiin. Dat ábuha dasa ahte bargit oahpásmuvvet Sámi iešguđet guovlluide, ja huksejit oktavuođaid ja bargobirrasa ossodagaid, juhkosiid ja kántorsajiid rastá.
 
Sámedikki višuvdna: Ovttas nannet Sámi
"Ovttas nannet Sámi" lea Sámedikki višuvdna bargiide bargguide. Sámedikki deháleamos bargu lea Sámedikki politihka ja hálddašeami bokte seailluhit sámi giela, kultuvrra ja servodateallima. Sámedikki višuvnnas leat vihtta vuođđoárvvu; sámi vuoigŋa, rabasvuohta, ovttasráđálašvuohta, searvadeapmi, luohtehahttivuohta ja oskkáldasvuohta.
Sámediggi bargá čuovvovaš mihtuiguin olahan dihte min višuvnna:• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

 Stillingsutlysning på norsk

Sametinget er et nasjonalt folkevalgt organ for samene i Norge. Sametinget arbeider gjennom politikk og forvaltning for at samene skal få sikret og utviklet sitt språk, kultur og samfunnsliv. Som medarbeider i Sametinget vil du ha rikelig med muligheter for å bringe Sametinget nærmere vår visjon Sammen styrker vi Sápmi.
 
Rådgiver/Seniorrådgiver
Om stillingen
Sametinget har en spennende stilling ledig innenfor et viktig fagområde. Stillingen er plassert i seksjonen for barnehage og grunnopplæring, som har ansvar for opplæringen av samiske barn i grunnskolen og videregående opplæring, samt samiske barnehagetilbud. Vi ivaretar samisk språk, samfunnsliv, historie og tradisjoner i forbindelse med grunnopplæringen og barnehagetilbudet. Seksjonen har også ansvar for å følge opp politiske beslutninger innen fagsektoren og arbeider for å integrere det samiske perspektivet i lovverk og andre styringsdokumenter. Vi samarbeider om varierte og spennende arbeidsoppgaver. Stillingen skal spesielt fokusere på oppfølgingen av Sametingets ansvar for samisk språkopplæring, og da særlig arbeid med læreplanverket og Fagfornyelsen 2020.