Eidfjord kommune er i spanande utvikling, og er ei aktiv bygd omgjeven av flott natur. Me treng fleire med på laget som kan vera med på å skapa vekst og utvikling i kommunen. Saman med andre dyktige medarbeidarar skal me levera gode tenester og løysa samfunnsoppdraget.

Søknad
• 100 % fast stilling som avdelingsleiar forvaltning
• Søknadsfrist: 18.01.2026
• Oppstartsdato: etter avtale
• Arkivsak nr.: 25/2424
• Skjema - Søk på stilling

Arbeidsoppgåver
• Avdelingsleiar for forvaltningsområda i kommunen inkludert budsjett og personalansvar.
• Avdelinga omfattar sakshandsamarar innanfor byggjesak, arealplan, landbruk, forureining, matrikkelsaker, seksjonering, viltforvaltning, natur- og miljøforvaltning, innkjøp mv.
• Oppfylgjing av politiske vedtak.
• Ansvar for gjennomføring av enkelte prosjekt som høyrer innunder fagfeltet.
• Oppfylging av innleigde konsulentar og innkjøp/kontraktar.
• Bidrasytar til utvikling og forbetring av kommunen sine sakshandsamingsrutinar og kvalitet i sakshandsaminga på dei ulike fagfelta.
• Innrapportering til statlege mynde innanfor ansvarsområda.
• Rettleia private, utbyggjarar og næringsliv innan aktuelle fagområde.

Den som vert tilsett må rekna med å bidra med sakshandsaming innanfor dei nemnde fagfelta, og å fylgja opp dei sakene som kjem inn til avdelinga.

Andre oppgåver enn dei som er lista opp over vert tillagt stillinga etter behov. Eidfjord er ein liten kommune, og som tilsett på eininga vil du derfor måtta rekna med å ta del i oppgåver knytt til tilgrensande saksfelt.

Ynskte kvalifikasjonar
• Relevant høgskule- eller universitetsutdanning, til dømes innan landbruk, naturforvaltning, plan, byggjesak eller liknande. I særlege tilfelle kan lang erfaring kompensera for manglande utdanning.
• Erfaring med bruk av kartverktøy, kjennskap til bruk av elektronisk saksbehandlingssystem og andre IT-verktøy.
• Erfaring med offentleg forvaltning er ein fordel, men ikkje eit krav.
• Det er ynskjeleg med kjennskap til plan- og bygningslova med tilhøyrande forskrifter.
• Evne til å arbeida nøyaktig, effektivt og sjølvstendig.
• Evne til å formulera deg klart og tydeleg skriftleg og munnleg.
• Evne og vilje til å læra deg dei fagfelta stillinga er knytt til som du ikkje kjenner frå tidlegare.
• Førarkort kl B.
• Me vil leggja vekt på om søkjaren er personleg skikka og eigna til jobben.

Personlege eigenskapar
• Kunna samarbeida godt med andre einingar i kommunen.
• Du må vera god til å arbeida med fleire ting parallelt, lika ein svært variert og innhaldsrik arbeidskvardag og vera i stand til å ta ansvar for framdrift og gjennomføring av dei prosjekta som ligg til avdelinga.
• Du må vera serviceinnstilt og omgjengeleg.
• Du må vera engasjert, nyfiken og ein som tek initiativ.
• Du må vera fleksibel og endringsvillig.

Me tilbyr
• Løn etter avtale
• Høve til vidareutdanning
• Høve til å vera med å påverka eigen arbeidskvardag