Etne kommune har ledig nyoppretta 100 % fast stilling som einingsleiar for miljøarbeidstenesta. Me søkjer deg som vil vera med å utvikla og sikra kvalitet i tenestene våre til innbyggjarane.

Om tenesta

Miljøarbeidstenesta gjev tilrettelagde tenester etter helse- og omsorgstjenesetelova, som mellom anna omfattar avlastning, støtte-/fritidskontakt og miljøarbeid for heimebuande i kommunen og bebuarar i heildøgnsbemanna bustad i Etne sentrum. Som einingsleiar vil du ha ansvar for om lag 22 årsverk og eit budsjett på kr 30 mill. Laget i miljøarbeidstenesta består av fagleiar, merkantil funksjon, miljøterapeutar, fagarbeidarar og assistentar som arbeidar kvar dag for å sikra gode tenester. 

Einingsleiar sine hovudoppgåver
• Leiing og koordinering av den daglege drifta, inkludert oppfølging av arbeidsmiljø, HMS og fagleg utvikling
• Budsjett- og økonomiansvar
• Turnusarbeid
• Sikra kvalitet, brukarmedverknad og fagleg utvikling i tenestetilbodet
• Aktiv deltaking i tverrfagleg samarbeid og utvikling på tvers av avdelingar og tenesteområde
• Einingsleiar har vide fullmakter innan vedtekne rammer, og rapporterer til kommunalsjef for sektoren helse og omsorg.

Kvalifikasjonar
• Søkjaren må ha relevant utdanning på universitets- eller høgskulenivå med sjukepleie eller vernepleie som grunnutdanning. 
• Leiarerfaring med økonomi og personalansvar, helst fra helse- og omsorgssektoren
• Det er ønskeleg med erfaring innanfor område som saksbehandling, ressursstyring, lov- og avtaleverk, turnus- og arbeidstidsordningar, fråver- og nærversarbeid, HMS, internkontroll- og kvalitetssikring
• God munnleg og skriftleg norskkunnskap
• Kjennskap til offentleg forvaltning og gjeldande regelverk innan helse- og omsorgstenester
• Generell god digital kompetanse er ønskeleg
• Bør ha førarkort Kl. B

Eigenskapar
• Ein inkluderande leiarstil
• Gode kommunikasjonsevner og god relasjonskompetanse
• Sjølvstendig, initiativrik og med høg arbeidskapasitet
• Evne til heilskapleg og strategisk tenking.
• Det vil bli lagt stor vekt på personelge eigenskapar ved tilsetjing.

Me tilbyr
• Ei sentral rolle i utvikling av tenester i ein spennande sektor
• Utfordrande og varierte arbeidsoppgåver
• Gode moglegheiter for fagleg og personleg utvikling
• Eit godt arbeidsmiljø med dyktige og engasjerte medarbeidarar
• Løn etter avtale,  og gode pensjons- og forsikringsordningar
• Leiaravtal

Annan informasjon

Me ønskjer eit arbeidsmiljø prega av mangfald, og at våre tilsette skal gjenspegla folkesetnaden. Me oppfordrar alle som er kvalifisert til å søkja jobb hos oss uansett alder, funksjonsevne, kjønn, eller minoritetsbakgrunn. Me legg vekt på å tilretteleggja arbeidsforholda dersom du har behov for det.

Etter utløpet til søknadsfristen, vil det setjast opp ei offentleg søkarliste innehaldande namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkar kan verta offentlege sjølv om søkaren har bede om ikkje å førast opp på søkarlista. Dersom anmodningen ikkje vert teke til følgje vil søkaren varslast om dette.

Link til søknadsskjema: Søk her