Sjernarøy oppvekstsenter er eit oppvekstsenter med barnehage, skule og SFO. Me har 31 elevar i skulen, 12 barn i SFO og 13 barn i barnehagen. Å jobbe på eit oppvekstsenter er ei unik moglegheit til å få erfaring fra fleire deler av oppvekst- og utdanningssektoren.

Me jobbar i sett samarbeid med skule og SFO, noko som gir gode moglegheiter til eit bredt pedagogisk tilbod og eit større fagmiljø for dei tilsette. I skulen sine ferier er barnehagen og SFO slått saman under leiing av pedagogisk leiar i barnehagen. Barnehageavdelingen er nyoppussa, og fekk oppgradert uteanlegg i 2022. Me nytter digitale verktøy aktivt i kvardagen. Me ligg tett på natur og sjø, og brukar nærområdet aktivt, anten det er sopptur, setting av hummerteiner, fisking etter stinter, epleslang hjå naboen eller tur til ein bonde. Vårt slagord er: leik, læring og lykke - i ei stor lita verd. 

Me er 12 faste tilsette og søkjer no etter ferievikarar. Behovet er i veke 26, 27, 32 og 33. Oppvekstsenteret er stengt i veke 28-31. Det kan også vere aktuelt med ferievikarar i både vinter- og påskeferie. Oppgi i søknaden når du kan jobbe og kor mange dagar per veke du vil/kan jobbe.Før du søker på stillinga ber me deg vurdere reisevegen til Sjernarøy. Skriv gjerne noko om dette i søknaden.

Arbeidsoppgåver

Kvardagen er mangfoldig og ingen dag er lik. Du vil få oppgåver ut i frå kva kompetanse du har. Hovudoppgåvene er:
• Bidra i matsituasjonar, påkleding og andre praktiske oppgåver tildelt frå pedagogisk leiar.
• Tilretteleggje pedagogisk arbeid som samlingsstund, tema, utflukter, leik m.m. i samarbeid med og under rettleiing av pedagogisk leiar eller fagarbeidar.
• Delta aktivt i arbeidet med vurdering av barna sine individuelle behov og utvikling, skape relasjonar med dei og vise omsorg. 
• Fremje eit godt barnehagemiljø og bidra til eit positivt samspel i barnegruppa.
• Gripe inn i situasjonar med uønska atferd.
• Bidra i foreldresamarbeidet ved avdelinga.
• Ha ansvar for det praktiske arbeidet i samarbeid med det øvrige personalet.

Kvalifikasjonar
• Du må vere over 16 år.
• Personleg eignetheit vil bli tillagt stor vekt.
• Dersom du har anna morsmål enn norsk/svensk/dansk, må du dokumentere at du har språkferdigheter tilsvarande B1.
• Kan samarbeide godt med andre.

Ønskjelege døme på kvalifikasjonar, men ikkje eit krav:
• Erfaring frå barnehage eller andre område i oppvekst- og utdanningssektoren.
• Fagbrev i barne- og ungdomsarbeidarfaget.
• Student, for eksempel barnehagelærar, grunnskulelærar, barnevernspedagog, sosionom, vernepleiar m.m. 

Personlege eigenskapar
• Arbeider sjølvstendig og bidrar til at arbeidsoppgåvene blir løyste på beste måte.
• Du er hyggeleg og god på å skape og å vedlikehalde sunne og gode relasjonar til elevar, kollegaer og føresette.
• Du er raus, tålmodig og varm.
• Du er trygg, sjølvstendig og strukturert i din rolle.
• Du er robust og taklar eit høgt arbeidstempo med ulike arbeidsoppgåver og utfordringar.

Me tilbyr
• Trygge forhald. Me jobber tett i eit team på 3, og du vil få god opplæring og oppfølging som nytilsett. Ingen nytilsette har tidleg- eller seinvakt åleine den første tida.
• Glede. Eit engasjerande og inspirerande arbeidsmiljø.
• Leik, læring og lykke - som motto og i alt me gjer!
• Frisk luft. Ein arbeidsstad tett på sjø og natur.
• Utvikling. Du vil få oppgåver som gjer at du utvikler deg, personleg og fagleg.

Lønn:
• Lønn i samsvar med KS tariffavtale.
• 1. og 2.årsstudent (i relevant studieretning): årslønn 418 000. 
• 3. årsstudent (i relevant studieretning): årslønn 444 300.

 

VELKOMMEN SOM SØKJAR PÅ SJERNARØY OPPVEKSTSENTER !Kontaktinformasjon

Jarand Mikael Larsen-Rodvelt, Avdelingsleiar, 456 07 269, j.larsen-rodvelt@stavanger.kommune.no

Arbeidssted

Sjernarøyvegen 898

4170 Sjernarøy

Nøkkelinformasjon:

Arbeidsgiver: Stavanger kommune

Referansenr.: 5059001239

Stillingsprosent: 100%

Sommerjobb

Startdato: 22.06.2026

Sluttdato: 14.08.2026

Søknadsfrist: 28.02.2026