Drøymar du om ein jobb til sjøs i Noregs vakraste fjord? No har du sjansen!Vi søkjer overstyrmenn, maskinsjefar, matrosar og cateringmedarbeidarar til fartøya MF Bolsøy og MF Veøy. Ferjene trafikkerer den storslåtte Geirangerfjorden – ein verdsarvfjord kjend for majestetiske fjell og imponerande fossefall.

Behovet er i perioden 1. april til 31. oktober, med turnusordning på 2 veker i arbeid og 2 veker fri - perfekt for deg som ønskjer ein god balanse mellom jobb og fritid. Vi ser etter deg som kan jobbe delar av eller heile perioden – oppgjev i søknaden når du ønskjer å arbeide. 

Som ein del av mannskapet har du ei nøkkelrolle i å sikre trygg og profesjonell drift – samtidig som du bidreg til å skape minneverdige opplevingar for reisande frå heile verda. Her får du ein sesongjobb som kombinerer faglege utfordringar, varierte arbeidsoppgåver, naturopplevingar i verdsklasse og eit godt arbeidsmiljø med dyktige kollegaer. 

Etter endt engasjement har du moglegheit til å søkje fast stilling - vi har fleire spennande behov og karrieremoglegheiter på andre samband og fartøy. 

Aktuelle kandidatar blir vurderte og tilsette fortløpande.

Arbeidsoppgåver

Arbeidsoppgåvene følgjer gjeldande stillingsinstruks for den aktuelle rolla. 

Kvalifikasjonar
• Minimum D3-sertifikat for overstyrmenn
• Minimum M3-sertifikat for maskinsjef
• For matros , nødvendig fartstid for å kunne tjenestegjere som matros
• Sikkerheitskurs i høve kvalifikasjonsføreskrifta
• Krise- og passasjerhåndteringskurs
• Gyldig helseattest

Fjord1 dekker manglande krise-/og passasjerhandtering for aktuelle kandidatar.

Personlege eigenskapar
• Serviceinnstilt
• Fokus på gode kundeopplevingar
• Godt humør
• Evne til å arbeide tett med andre mennesker over tid
• Evne til å jobbe sjølvstendig, ta ansvar og takle hektiske arbeidsdager 
• God kommunikasjonsevne
• Fordel å beherske engelsk språk

Vi tilbyr
• Lønn vert gitt etter overenskomst
• Skiftordning 2 veker på, 2 veker av
• Ein bur om bord i arbeidsperioden
• Gode kollegaer og godt arbeidsmiljø
• Du vil få ein variert arbeidskvardag, med spennande arbeidsoppgåver.
• Moglegheit for fagleg utvikling og vidare karriere innan maritim drift.

Kontaktinformasjon

Benedicte Ellingsen, Rekrutteringsmedarbeider, 47887896, benedicte.ellingsen@fjord1.no

Arbeidssted

6216 Geiranger

Nøkkelinformasjon:

Arbeidsgiver: Fjord1 AS

Referansenr.: 5056535843

Stillingsprosent: 100%

Engasjement

Søknadsfrist: 31.03.2026