Om stillinga

Spennenande stilling som fyrstekonsulent ved avdelinga for elektronisk kontroll. Avdelinga for elektronisk kontroll gjennomførar straff der domfelte sonar heime med fotlenke. 

Arbeidstad for stillinga er ved underkontoret i Ålesund. Avdelinga for elektronisk kontroll har 9 tilsette, 5 som har arbeidsstad i Molde og 4 som har arbeidsstad i Ålesund. Stillinga er i turnus med dag, kveld og helg.

Som fyrstekonsulent har ein har ansvar for dei domfelte og tilsette sin tryggleik, innhenting og vurdering av informasjon og saksbehandling. Fyrstekonsulent EK skal ha evne til grensesetjing, konfliktløysing og vere ein samtalepartnar, rollemodell og rettleiar for dei domfelte.

Arbeidsoppgåver

 
• vurdere om domfelte er eigna for soning med elektronisk kontroll
• setje i verk, administrere og kontrollere straffegjennomføringa
• leggje til rette for og følgje opp fagleg innhald
• drive planmessig endringsarbeid i samarbeid med hjelpeapparatet
• kontrollere at vilkår for straffa blir haldne
• kontroll av dei domfelte i deira heim
• ved behov må ein og rekne med å ta del i andre typar straffegjennomføring ved friomsorga

 

Den som blir tilsett, må rekne med endringar i arbeids- og ansvarsområde.

Utdanning og erfaring

Du må ha• bestått fengselsbetjentutdanning frå KRUS eller relevant utdanning på bachelornivå (da fortrinnsvis sosionom, barnevernspedagog eller vernepleier)
• førarkort klasse B
• god munnleg og skriftleg framstillingsevne
• god kunnskap og erfaring i bruk av IKT - system eller verktøy

 

Det er ønskjeleg at du har• relevant erfaring frå arbeid med menneske i ein sårbar situasjon
• erfaring med sakshandsamning
• bachelor i straffegjennomføring

Personlege eigenskapar
• gode kommunikasjons- og samarbeidsevner 
• har evne til å arbeide sjølvstendig og systematisk 
• har evne til å motivere til å endre åtferd 
• har avgjerdsevne, er fleksibel og har evne til etisk refleksjon 
• er fleksibel og løysningsorientert
• liker dagar som er ulike og møte med nye menneske

Vi tilbyr
• meiningsfulle oppgåver i ein etat med eit viktig samfunnsoppdrag
• gode pensjons-, forsikrings- og låneordningar i Statens pensjonskasse. 
• trening i arbeidstida
• stillinga lønnast i stillingskode 1408 fyrstekonsulent frå kr. 483 800 - 600 000,-. Det blir trekt 2 % innskot til Statens pensjonskasse.
• stillingen er p.t. i turnus som innebærer dag, kveld og helgearbeid

Generell informasjon

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.  

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. 

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å vende deg til avdelingsleiear Trude Aarseth på telefon 71246610 eller på mail trude.aarseth@kriminalomsorg.no.

For spørsmål om elektronisk utfylling av CV kan Jobbnorge kontaktast på 75 54 22 20.