Vi søkjer sjukepleiarar som vil bruke sin faglege kompetanse og omsorgsevne til å sikre tryggleik, trivsel og meistring for våre brukarar. Hos Hareid heimesjukepleie får du ansvar, faglege utfordringar og moglegheit til å påverke utviklinga av tenesta. Vi har tre spennande stillingar tilgjengeleg, både fast og vikariat. Oppstart snarast mogleg.

Heimetenestene gir omsorg og støtte til heimebuande og til personar i omsorgsbustadar – alltid med vekt på fagleg kvalitet og individuelle behov. Som sjukepleiar blir du ein nøkkelperson i å sikre høg fagleg standard og bidra til å utvikle tenesta. 

 

Ledige stillingar med snarleg oppstart:
• sjukepleiar, 100 prosent fast stilling
• sjukepleiar, 85 prosent fast, for tida natt
• sjukepleiar, 80 prosent vikariat i eitt år

Arbeidsoppgåver

Hos oss får du ein variert og lærerik arbeidskvardag, med gode moglegheiter for fagleg utvikling. Du kan fordjupe deg i ulike ressursgrupper, som rehabilitering, demens, akuttmedisin, palliativ omsorg og kreftomsorg.

Oppgåver vil vere:
• gi medisinsk og sjukepleiefagleg oppfølging med ansvar og vurderingar
• utføre pleie- og omsorgsoppgåver 
• samarbeide tett med sjukeheimslege, fysioterapeut, heimetenesta og dei andre sjukeheimseiningane
• sikre at tenester blir gitt på ein fagleg forsvarleg måte, og i tråd med målsetting og vedtak
• rettleie, undervise og informere pasientar, pårørande, kollegaer og studentar
• ha medansvar for internkontroll, kvalitetssikring og HMS
• bruke av velferdsteknologi
• delta i kvalitetsutvikling av einingane

Kvalifikasjonar

Vi søkjer deg som ønskjer å arbeide med pasientomsorg på ein god måte, og yte tenester av høg kvalitet.
• autorisasjon som sjukepleiar. Gjerne med vidareutdanning innan relevante fagområder
• god digital kompetanse og erfaring med elektronisk pasientjournal
• godt norsk språk, både skriftleg og munnleg (nivå B2)
• du må kunne jobbe turnus
• krav om at du har førarkort klasse B for arbeid i heimetenesta
• det er krav om politiattest av ny dato

Personlege eigenskapar

I sektor for velferd ser vi etter medarbeidarar som er engasjerte, profesjonelle og løysingsorienterte – som viser respekt og rausheit i møte med andre.
Vi ønsker deg som kan arbeide sjølvstendig, men også samarbeide godt til beste for pasientar, pårørande og kollegaer. Du har evne til å prioritere, ta avgjerder og gjennomføre oppgåver, og du legg vekt på personsentrert omsorg.
Vi legg stor vekt på personlege eigenskapar. Stabilitet, gode verdiar og arbeidsmoral er viktig for oss. Du bidreg til eit positivt arbeidsmiljø og trivsel i kvardagen.
Vi tilbyr
• ein triveleg arbeidsplass med godt arbeidsfellesskap
• spanande og faglege utfordringar
• eit godt arbeidsmiljø der du vil møte gode kollegaer med godt humør og stå på vilje
• kurs gjennom NHI og Visma-veilederen
• forsikrings- og pensjonsordning gjennom KLP

Alle må søkje digitalt. Du må laste opp relevante vitnemål og attestar til søknaden din. Vi gjer merksam på at søknaden blir vurdert ut frå den informasjon som ligg føre. Det er viktig at du viser korleis din kompetanse fyller kriteria for stillinga. Tilsettinga skjer på vanlege kommunale vilkår.

Du er velkomen som søkjar til eit godt fagleg og spanande arbeidsmiljø ilag med gode kollegaar!

 
Intern søkjar
Dersom du ønskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Hareid kommune som er ufrivillig deltidstilsette jf. AML §14.3, eller andre forhold knytt til lover og avtaleverk som kan gi deg grunnlag for fortrinnsrett. 
 
Hareid kommune praktiserer meiroffentlegheit ved tilsettingar. Jf. Offentleglova § 25 kan du som søkjar be om å ikkje bli oppført på offentleg søkjarliste. Om du ønskjer å reservere deg, må du opplyse om dette og grunngi søknaden. Hareid kommune kan likevel avgjere at namnet ditt skal offentleggjerast. Du blir kontakta i forkant.

 Kontaktinformasjon

Sutharsiny Satheeskumar, Einingsleiar, +47 46801312

Arbeidsstad

Teigevegen 55

6060 Hareid

Nøkkelinformasjon:

Arbeidsgivar: Hareid kommune

Referansenr.: 5056424433

Stillingsprosent: 80, 100, 85%

Vikar, Fast

Søknadsfrist: 21.01.2026