Har du lyst å prøve deg i ein kjekk og utfordrande jobb innan rusfeltet i spesialisthelsetenesta? Vi har den perfekte jobben til deg!

Vi har no ledig stilling som våken nattevakt for sjukepleiar/vernepleiar. Tilsetting etter nærare avtale.

TSB Langtidsdøgn Molde er ein døgnseksjon i Avdeling for Tverrfagleg spesialisert rusbehandling i Helse Møre og Romsdal. Avdelinga består av ei tverrfagleg samansett gruppe av tilsette som gir tilbod til pasientar med avhengigheit til rusmidlar, vanedannande medikament, anabole steroider og spel. Vi gir også tilbod til pårørande.

Langtidsdøgn har 15 sengeplassar. Pasientgruppa består av pasientar som har utfordringar med legale og illegale rusmiddel, ofte med tilleggslidingar som utfordringar med psykisk helse, vanskar med følelsesregulering og traumelidingar. Pasientane er innlagt i 26 veker. Fagmiljøet ved seksjonen er tverrfagleg samansett og inkluderar legar, psykologar og 3-årig helse- og sosialfaglege medarbeidarar. Mange av våre tilsette har vidareutdanning.

Seksjonen har det siste året implementert traumebehandling (Narrativeksponeringsterapi) og  DBT ( Dialaktisk atferdsterapi) i rusbehandlingsforløpet. Vi har eit pågåande doktorgradsløp på dette. Seksjonen tilbyr ei heilskapleg behandling innanfor TSB der vi ser og ivaretek heile pasienten. Det er stort fokus på familie og nettverksarbeid. Behandlinga ved seksjonen innbefattar gruppeterapi, miljøterapi, treningsterapi og individualterapi. Vi er opptatt av å samarbeide med kommunane og andre samarbeidspartnarar for å få til eit best mogleg behandlingsforløp for pasientane. 

Arbeidsoppgåver
• Deltaking i miljøterapeutiske aktivitetar
• Medikamenthandtering
• Delta på ulike aktivitetar saman med pasientane
• Vere ein del av det tverrfaglege teamet
• Individualsamtaler 

Kvalifikasjonar
• 3-årig høgskuleutdanning innan sjukepleie eller vernepleie, og gjerne med vidareutdanning
• Ønskeleg med erfaring frå psykiatri/rus
• Søkjar må ha gode skriftlege og munnlege norskkunnskapar
• Førarkort klasse B 

Personlege eigenskapar
• Du er fleksibel, positiv, ansvarsbevisst og endringsorientert
• Du har god skriftleg framstillingsevne
• Du må ha evne til å bidra til eit godt arbeidsmiljø
• Du jobbar sjølvstendig, men fungerer samstundes godt i tverrfagleg samarbeid
• Du har god arbeidskapasitet og trivast i eit aktivt arbeidsmiljø
• Ved tilsetjing vil ein leggje vekt på gode eigenskapar når det gjeld kommunikasjon med pasientar, pårørande og samarbeidspartnarar

Å vere personleg eigna vert vektlagt ved tilsetting.

Vi tilbyr
• Eit godt og triveleg miljø av dyktige og erfarne medarbeidarar
• Internundervisning, rettleiing, eigne fagdagar og personalseminar
• Aktivt arbeid for å ivareta eit godt arbeidsmiljø
• Sterkt tverrfagleg samarbeid
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde og Romsdalen her

Kontaktinformasjon

Marianne Haug Johansen, Seksjonsleiar, marianne.haug.johansen@helse-mr.no

Arbeidsstad

Glomstuvegen 50

6411 MOLDE

Nøkkelinformasjon:

Arbeidsgivar: Helse Møre og Romsdal HF

Referansenr.: 5047914226

Stillingsprosent: 72%

Fast

Søknadsfrist: 31.01.2026