Rauland skule er ein inkluderande og framtidsretta skule der tryggleik, trivsel og fagleg utvikling står i sentrum. No søkjer vi ein positiv og fagleg sterk lærar som vil vere med på å gi elevane våre ein god og inspirerande skulekvardag, tett på natur, kultur og fellesskap.

Hos oss får du ein arbeidsplass med høg trivsel, dyktige kollegaer og korte avstandar mellom idé og handling. Er du klar for eit vikariat der du verkeleg kan gjere ein forskjell?

 

Skulen vår er omkransa av vakker natur og spennande fjellområde. Skulen er sentral i bygda vår, med idrettsanlegg vegg i vegg og flotte turmoglegheiter og skiløyper i nærleiken. Skulen vår er ein 1-10 skule, med om lag 170 flotte og engasjerte elevar. 

Det vil bli lagt vekt på personlege eigenskapar, utdanning og erfaring ved tilsetjing.

Arbeidsoppgåver
• Planleggje og gjennomføre undervisning i tråd med LK20
• Skape eit trygt, godt og inkluderande læringsmiljø for elevane med god klasseleiing
• Delta i, og bidra til lærande fellesskap ved skulane
• Delta i tverrfagleg samarbeid
• Vera ein trygg og god vaksenperson i møte med elevar og andre vaksne
• Kontaktlærarfunksjon og andre funksjonar i skulen kan bli lagt til jobben

Kvalifikasjonar
• Me ynskjer deg som har godkjent undervisningskompetanse til å undervise i grunnskulen, jf. opplæringslova.
• Me har behov for deg meg GLU 1 - 7 og med kompetanse i å undervise i bl.a. norsk, engelsk, spes.ped og øvrige fag på alle trinn frå 1.-10.
• Me har behov for deg meg GLU 5 - 10 og med kompetanse i å undervise i bl.a. norsk, tysk, engelsk, spes.ped og øvrige fag på alle trinn frå 1.-10.
• Andre fagkombinasjonar vurderast individuelt
• God digital kompetanse
• Gode norskdugleikar, både skriftleg og munnleg
• Ved manglande kvalifiserte søkjarar vil anna kompetanse og kvalifikasjonar bli vurdert individuelt

Personlege eigenskapar
• Du er ein trygg, raus og tydeleg klasseleiar
• Du tek initiativ til nye arbeidsmåtar
• Du har fokus på elevane sine moglegheiter for læring
• Du er fleksibel, omstillingsdyktig og finn løysingar
• Du er strukturert og overheld tidsfristar
• Du kommuniserer godt med kollegaer, elevar, føresette og andre samarbeidspartnarar
• Du tek ansvar og er profesjonell
• Du er positiv og bidreg til eit godt arbeidsmiljø
• Du er engasjert i leik og samhandling med barn

Me tilbyr
• Flotte og engasjerte elevar 
• Eit engasjert elevråd
• Kantine med gratis skulemat for elevar, og kostpris for tilsette
• Ein interessant og utviklande jobb i eit godt og fagleg arbeidsmiljø
• Kontaktlærar har eit tillegg på kr. 42 000 pr. år for 1.-4. trinn, og kr. 30 000 pr. år for 5.-10. trinn
• Nyutdanna lærarar får rettleiing
• Løn etter avtale og kvalifikasjonar og ansiennitet
• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar

 Stillingane er vikariat i Vinje kommune, for tida med arbeidsplass Rauland skule.

 

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Aud Lillian Hustveit, Verksemdsleiar Rauland skule, +47 95752799

Arbeidsstad

Fv37 14

3864 Rauland

Nøkkelinformasjon:

Arbeidsgivar: Vinje kommune

Referansenr.: 5050327104

Stillingsprosent: 100%

Vikar

Startdato: 02.02.2026

Søknadsfrist: 25.01.2026