Vil du følgje livets viktigaste augneblink i Vest-Telemark?

Som jordmor i Vest-Telemark får du arbeide i eit jordmorsamarbeid med stor variasjon og nærleik til kvinnene. Å arbeide som jordmor i Vest-Telemark krev at du trivst med å arbeide sjølvstendig, og i eit distrikt med store avstandar - men du får også nærleik til natur og eit godt fagmiljø!

Me har ledig eit 40 - 60 % vikariat på Vinje helsestasjon Oppmøtestad er Seljord, og du kan køyre frå og til Seljord i arbeidstida med køyregodtgjersle. Det er høve til å tilpasse dagar for helsestasjonsarbeid. 

Arbeidsoppgåver
• Gjennomføre svangerskapskonsultasjonar i tråd med nasjonale retningsliner, inkludert samtaler, undersøkingar og vurderingar
• Førebuande kurs og individuelle samtaler om amming, fødsel og barseltid
• Utføre heimebesøk og etterkontrollar med fokus på både mor og barn si helse og trivsel
• Dokumentere i elektronisk pasientjournal og samarbeide tett med helsesjukepleiarar, fastlegar og andre relevante fagpersonar
• Delta i fagmøte og bidra til kontinuerleg fagutvikling i jordmorsamarbeidet

Kvalifikasjonar
• Autorisert jordmor
• Førarkort klasse B og tilgang til eigen bil
• Det er ynskjeleg at du har arbeidserfaring frå svangerskaps- og barselomsorg
• Det er ein fordel om du har kompetanse innan kvinnehelse, men ikkje eit krav

Personlege eigenskapar
• Du har eit sterkt engasjement for å gje gravide, barselkvinner og deira familiar tryggleik og støtte gjennom heile forløpet
• Du held deg fagleg oppdatert, og nyttar kunnskap aktivt i di yrkesutøving
• Du bidreg i tverrfagleg samarbeid med relevante samarbeidspartnarar
• Du bidreg til eit positivt og støttande arbeidsmiljø
• Du har evne til å tilpasse deg ulike situasjonar og er løysingsorientert 
• Du tek ansvar for eigne oppgåver, planlegg arbeidet godt og har evne til prioritere

Me legg vekt på personlege eigenskapar ved tilsetjing.

Vi tilbyr
• Du blir ein del av eit fagleg sterkt jordmorsamarbeid med faste fagmøte
• Du får relevant opplæring ved oppstart, og fagleg støtte undervegs
• Løn i 100 % stilling: 850 000 kr
• God forsikrings- og pensjonsordning

Godkjent politiattest må framvisast før tilsetting. 

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Helene Mølster Byggland, Avdelingsleiar jordmorstenesta

Arbeidsstad

Vinjevegen 212

3890 Vinje

Nøkkelinformasjon:

Arbeidsgivar: Vinje kommune

Referansenr.: 5061336426

Stillingsprosent: 50%

Vikar

Startdato: 26.01.2026

Sluttdato: 01.09.2026

Søknadsfrist: 22.01.2026