Vi har ledige faste assistentstillingar frå 14 til 17 %, med moglegheit for meir gjennom årsturnus. Vi ser etter deg som likar å jobbe med menneske og har fokus på tilrettelegging og brukarmedverknad.

Du blir tilsett i Fjaler kommune, men tenestene er organisert som brukarstyrt personleg assistanse (BPA). Ordninga omfattar dei same tenestene som ordinære helse- og omsorgstenester, men er organisert slik at brukaren har større innverknad på sin eigen kvardag.

Som tilsett jobbar du tett opp mot brukar i kvardagen. Personlege eigenskapar blir lagt vekt på. Lurer du på om dette kan vere noko for deg, så håper vi du tek kontakt med oss.

Arbeidsoppgåver
• Bidra til å skape gode kvardagar saman med brukar
• Bistand i daglege gjeremål for brukar

Kvalifikasjonar
• Den som vert tilsett må legge fram politiattest og godkjent MRSA- og tuberkulinattest før tiltreding
• Gode norskkunnskapar, både munnleg og skrifteleg
• Vi vektlegg at ein er personleg eigna til stillinga
• Førarkort kl. B

Personlege eigenskapar
• Sjølvstendig, ansvarsbevisst, engasjert
• God på å kommunisere og bygge relasjonar
• Strukturert
• Gode samarbeidsevner og godt humør
• Fleksibel
• Tydeleg

Vi tilbyr
• Løn etter utdanning og erfaring
• Gode pensjons- og forsikringsordningar
• Godt arbeidsmiljø med trivelege kollegaer

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.

 

Link til søknadsskjema: Søk her