Lyst å prøve noko nytt?Vi på akuttpsykiatrisk post søkjer deg som sjukepleiar eller vernepleiar til helgestilling. 

Akuttpsykiatrisk post tek imot pasientar med alvorlege psykiske lidingar som treng akutt behandling og tett oppfølging.

Hos oss jobbar du i eit tverrfagleg miljø med høgt tempo, varierte arbeidsdagar og dyktige kollegaer som støttar kvarandre. Vi legg vekt på tryggleik, omsorg, fagleg kvalitet – og på å skape eit godt arbeidsmiljø der ein står stødig saman i krevjande situasjonar.

Vi håpar du vil søkje og vere med på å vidareutvikle eit fagleg sterkt og trygt tilbod for pasientane våre.

Kva går jobben ut på?
• Miljøterapeutisk arbeid i samarbeid med pasientar og kollegaer.
• Observasjon, kartlegging og dokumentasjon.
• Medikamenthandtering og behandling i tråd med gjeldande rutinar.
• Bidra til eit godt og trygt behandlingsmiljø.
• Arbeid på sengepost, undervisning/rettleiing, vaktarbeid og tverrfagleg samarbeid.
• Mottak og oppfølging av pasientar.
• Inngå i eit tverrfagleg samarbeid for å gje pasientar best mogleg opphald på avdelinga.
• Inngå i turnus kvar 3-helg .

Kva kompetanse er viktig i denne rolla?
• Autorisasjon som sjukepleiar eller vernepleiar.
• Fordel med erfaring fra rus og psykiatri, men ingen krav.
• Gode norskkunnskapar er heilt avgjerande for forsvarleg pasientbehandling. Søkjarar som har andre morsmål enn norsk, svensk eller dansk, og som ikkje har fullført norskspråklig vidaregåande skule, må minimum ha bestått Bergenstesten, eller annan norsktest på B2 nivå. Dokumentasjon må vedleggast søknaden.

Kva ser vi etter hos deg?

Hos oss er det viktig at du: 
• har interesse og engasjement for fagfeltet og ønskjer å utvikle kompetansen din.
• arbeider profesjonelt, empatisk og med respekt for pasientar og pårørande.
• held deg roleg og trygg, også i stressande og krevjande situasjonar.
• har god fagleg vurderingsevne og arbeider strukturert og målretta.
• samarbeider godt, men også meistrar å arbeide sjølvstendig.

Kvifor skal du velje oss?
• Ein spennande og utfordrande jobb.
• Gode pensjons- og forsikringsordningar.
• Eit aktivt og triveleg arbeidsmiljø.
• Fagleg utvikling.
• Gode velferdsordningar.
• Eit meiningsfylt arbeid som gjev personleg utvikling.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Rebekka Gregor, Funksjonsleiar Akuttpsykiatrisk post, +47 41863999

Arbeidsstad

Karmsundgata 120

5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5061362731

Stillingsprosent: 17%

Fast

Startdato: 01.03.2026

Søknadsfrist: 26.01.2026