Om stillinga

Statsforvaltaren har ansvar for å sikre at nasjonal utdannings- og barnehagepolitikk vert gjennomført i kommunane, og at barn og elevar får dei rettane dei har krav på. Arbeidet vårt spenner frå klagehandsaming og rettleiing til tilsyn med kommunane sin praksis.

Utdannings- og verjemålsavdelinga har no ei fast stilling ledig i forvaltningsseksjonen. Her jobbar tilsette med juridisk, pedagogisk, samfunnsfagleg og administrativ kompetanse tett saman – i eit miljø der faglege perspektiv møtest og utviklar kvarandre.

Vi ser etter ein jurist som er interessert i barn og elevar sine rettar knytt til utdanning. 

Viktige arbeidsoppgåver for Statsforvaltaren er sakshandsaming knytt til rettar for barn og elever med særskilte behov, handsaming av saker om skulemiljø, og rettleiing om skule- og barnehagemiljø. I tillegg vil dei som vert tilsett arbeide med andre saker og rettleiing knytt til opplæringslov, barnehagelov og forvaltningsrett. 

Statsforvaltaren i Vestland er lokalisert i Leikanger, Bergen og Førde, denne stillinga høyrer til i Bergen.

Arbeidsoppgåver

I stillinga vil du mellom anna • handsame klagesaker etter opplæringslova og barnehagelova, særleg saker knytt til skulemiljø
• rettleie kommunar, skuler, barnehagar og privatpersonar i spørsmål om regelverket
• løyse saker og problemstillingar etter forvaltningsretten

Kvalifikasjonar

For å jobbe hos oss må du ha• Cand. Jur. / master i rettsvitskap
• god forståing for offentleg forvaltning og kommunesektoren
• interesse for utdanningsfeltet og barn sine rettar
• god skriftleg og munnleg framstillingsevne, på nynorsk og bokmål

Personlege eigenskapar

Vi ønskjer oss ein kollega som• arbeider strukturert, tek ansvar og held fristar
• kan formidle komplekse problemstillingar på ein tydeleg og forståeleg måte
• trivst med samarbeid og faglege diskusjonar
• ønskjer å bidra aktivt i utviklingsarbeid og fagleg vidareutvikling

Som tilsett hos Statsforvaltaren får du
• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• delvis heimekontor 
• fleksibel arbeidstid
• løn i samsvar med vår lokale lønspolitikk

Vil du jobbe hos oss? | Statsforvaltaren i Vestland
Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid. 

Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. 

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå HK-dir. 

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. 

Stillinga er lønna i stillingskode 1434 rådgjevar/1364 seniorrådgjevar, frå kr 610 000–770 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn. 

Dei første seks månadane er prøvetid. Du kan lese meir om det i statens personalhandbok.

Tenestemålet til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.