Hos oss får du moglegheit til å bli ein del av eit spennande og kompetent fagmiljø. Medisinsk observasjonspost ved Haugesund sjukehus står framfor ein viktig endringsprosess, der vi i nær framtid flyttar inn i flunkande nye lokale i tilknyting til akuttmottaket.

Posten har 8 senger og 4 behandlingsstolar, og tek imot pasientar frå 12 år og oppover med uavklara medisinske problemstillingar som krev observasjon. Dette kan til dømes vere brystsmerter, mistanke om hjartearytmi, observasjon i samband med undersøkingar, intox og polikliniske akutte forløp. Vi har kort liggetid og eit høgt pasientgjennomløp gjennom heile døgnet.

Avdelinga har om lag 14 tilsette. Som leiar inngår du i den eldremedisinske leiargruppa, og du vil ha tett samarbeid med akuttmottaket i samband med flytteprosessen. Stillinga er 100 % administrativ.

Kjenner du at dette er ei leiarrolle du har lyst til å prøve deg på?

Kva går jobben ut på?
• Overordna ansvar for sengeposten.
• Sikre fagleg forsvarleg verksmed, pasienttryggleik og kvalitet.
• Ansvar for vidareutvikling av drift for posten.
• Følge opp pasientsikkerhetsfokus ved avdelinga og sjukehus.
• Fremje gode samarbeidsrelasjonar internt og eksternt.
• Stillinga er i hovudsak administrativ, men det kan ved behov forventast bidrag i drift.

Kva kompetanse er viktig i denne rolla?
• Autorisasjon som sjukepleiar.
• Relevant leiarutdanning/leiarerfaring innan helse- og sosialområde er ønskjeleg.
• Gode datakunnskapar.
• Minst 2 års sjukepleiarerfaring/praksis i aktuelt fagområde.

Personlege eigenskapar blir vektlagd.

Kva ser vi etter hos deg?

Hos oss er det viktig at du:
• er tydeleg og har ein motiverande leiarstil.
• ser etter løysningar med evne til å ta avgjerder.
• er utviklings- og resultatsorientert.
• bidreg positivt til arbeidsmiljøet.
• trivst med å jobbe på tvers av fag og yrkesgrupper.
• har gode kommunikasjons- og samarbeidsevner.
• set pris på å samarbeide med kollegaer.
• er strukturert.

Kvifor skal du velje oss?
• Fagleg og personleg utvikling
• Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring.
• Triveleg arbeidsmiljø
• Ein arbeidsplass som er ei inkluderande arbeidsliv-bedrift (IA-bedrift)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Elis Simone Hunt, Funksjonsleiar pleie, 91638926

Doreen Halleland, Avdelingsleder

Arbeidsstad

Karmsundgata 120

5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5053006155

Stillingsprosent: 100%

Vikariat

Søknadsfrist: 27.01.2026