Om stillinga

Har du ei sterk interesse for etterforsking og vil vere med på å sikre tryggleik og orden i samfunnet? Vi har no ledig to faste stillingar som etterforskar ved Nordre Sunnmøre politistasjon på Vatneeidet. 

Stillinga er primært ei etterforskarstilling. Samtidig legg politistasjonen til rette for at etterforskarar, der det er formålstenleg, kan bidra meir utoverretta gjennom kontakt med lokalmiljø, samarbeid med førebyggjande funksjonar og deltaking i oppsøkjande og operative aktivitetar knytt til eige saksfelt.

Stillinga passar for deg som ønskjer å vera etterforskar i eit fagleg sterkt, oversiktleg og lokalt forankra miljø, med kanskje noko større nærleik til både kollegaer og lokalsamfunn enn ved større einingar. Etterforskinga ved stasjonen er tett kopla til førebyggjande arbeid, mellom anna gjennom kunnskapsdeling, lokalt nærvær og samarbeid på tvers av funksjonar.

I periodar må ein pårekne arbeid innan andre tjenesteområde, avhengig av behov i driftseininga. For deg som ønskjer det, vil du få delta i støtteliste ved vakt og beredskap i Ålesund kvar fjerde helg og inngå i den operative beredskapen. Då må du ha IP4-godkjenning eller kunne bli det, men dette er ikkje eit krav for å bli tilsett i stillingane.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter deg som er motivert og interessert i etterforskingsfaget. Vi stiller høge krav til fagleg motivasjon, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom handlingane sine i det daglege arbeidet. Evne til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.

I vår vurdering av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.

Arbeidsoppgåver
• Etterforske straffesaker, sjølvstendig og i team 
• Kriminalitetsførebyggjande arbeid
• Publikumsmottak
• Utføre etterforsking med politiarbeid på staden (PPS) som arbeidsmetode
• Mogelegheit til å inngå i Ålesund politistasjonsdistrikt sin operativ beredskap (krev minimum IP4-godkjenning)
• Mogelegheit for støtteliste ved vakt og beredskap i Ålesund kvar fjerde helg (krev minimum IP4-godkjenning)
• Andre oppgåver som høyrer til den daglege tenesta ved eininga
• Bidra med rettleiing og ved opplæring/kompetansehevande tiltak ved eininga
• Kan påleggast andre oppgåver

Kvalifikasjonar

Dette må du ha for å vere kvalifisert:
• Fullført og bestått Politi(høg)skule. Vitnemål skal leggast ved. Karakterskjema skal fyllast ut og leggast ved søknaden, sjå https://www.politiet.no/sok/?SearchText=karakterskjema 
• God skriftleg og munnleg formidlings- og kommunikasjonsevne
• Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga.

Det er også ønskjeleg med:
• Erfaring frå politistilling
• Gode resultat frå utdanning ved Politi(høg)skulen
• Erfaring frå etterforsking
• Etter/-vidareutdanning innan etterforsking
• Anna relevant tilleggsutdanning/kurs/erfaring

Personlege eigenskapar
• Motivasjon og interesse for etterforskingsfaget
• Gode samarbeidsevner
• Strukturert og ansvarsbevisst i arbeidet ditt
• Evne til å byggje tillit hos publikum og gode kommunikasjonsferdigheter
• Ønskjer fagleg utvikling og bidrar til kunnskapsdeling

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her.  

Dette kan vi tilby om du vel oss
• Ei utfordrande og meiningsfull stilling i Ålesund politistasjonsdistrikt
• Stillinga vert lønna som politibetjent 3/2/1 (SKO 1461/1459/1457).Tilsetting er avhengig av kompetanse, jf. Kompetansekriteriene for politibetjenter.• Politibetjent 3 - brutto årslønn frå kr. 640 000 - 730 000
• Politibetjent 2 - brutto årslønn frå kr. 585 000 - 635 000
• Politibetjent 1 - brutto årslønn frå kr. 560 000 - 610 000 
• For særskilt kvalifiserte kandidatar kan stillingskode som politiførstebetjent (SKO 0285, frå kr. 650 000 - kr. 720 000) eller politioverbetjent (SKO 0287, frå kr. 680 000 - kr. 760 000) bli vurdert, jamfør lokale retningslinjer.  
• Ved eventuell endring av tjenesteområde vert det gitt lønnsplassering etter gjeldande lønnsnivå for området
• Godtgjersle etter gjeldande ATB, som for tiden er kr. 44 708, og tillegg for eventuell turnusteneste
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• Det blir trekt to prosent frå løna til innskot i Statens pensjonskasse
• Mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_WcSlik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.