Vil du arbeide tett på leiing, politikk og utvikling i ein kommune med høge ambisjonar?

Ulstein kommune søkjer ein trygg og strukturert rådgivar som vil bidra til god sakshandsaming, ryddige prosessar og vidare utvikling av interne arbeidsformer.

Stillinga er plassert i sentraladministrasjonen og byr på varierte oppgåver innan sakshandsaming, politiske prosessar, valgjennomføring, avtaleoppfølging og interne utviklingsprosessar.

Du vil samarbeide tett med leiarar og fagmiljø på tvers av organisasjonen, og vere ein viktig støttespelar i arbeidet med å sikre kvalitet, struktur og gode avgjerdsgrunnlag.

Dette er ei generalistrolle der juridisk kompetanse og god kjennskap til offentleg forvaltning er ein fordel.

Arbeidsoppgåver
• utarbeide, koordinere og følgje opp saker som går på tvers av tenesteområde, mellom anna høyringar, løyve, næringssaker, avtalar, grunnerverv og samferdselssaker
• støtte leiarar og fagmiljø i arbeidet med saksframlegg, administrative vedtak, klagesaker og høyringssvar
• ha systemansvar for oppdatering og vedlikehald av reglement, delegeringsreglement, rutinar og interne prosedyrar
• overordna valansvarleg som omfattar planleggjing og gjennomføre val i samarbeid med andre aktuelle einingar og fagmiljø
• følgje opp innkjøpssamarbeid, avtalar og kontraktar der kommunen har behov for administrativ støtte
• følgje opp avtalar mot næringslivet der kommunen er part
• bidra i interne utviklings- og forbetringsprosessar knytt til organisering, arbeidsflyt og ansvarsavklaringar
• gi råd og støtte innan personvern, risikovurderingar og vurdering av personvernkonsekvensar ved behov

Kvalifikasjonar
• relevant høgare utdanning innan jus, offentleg forvaltning, samfunnsfag, økonomi, administrasjon, organisasjon eller tilsvarande
• erfaring frå kommunal eller annan offentleg forvaltning er ønskjeleg
• god kjennskap til sentrale regelverk som forvaltningslova, offentleglova og kommunelova
• god forståing for krav til habilitet, teieplikt og dokumentinnsyn
• god skriftleg framstillingsevne på nynorsk
• erfaring med politiske prosessar, prosjektarbeid, kvalitetssystem, sak- og arkivsystem eller forbetringsarbeid er ein fordel
• erfaring med innkjøp, avtalar eller kontraktsoppfølging er ønskjeleg
• juridisk kompetanse er ein fordel, men ikkje eit krav

Personlege eigenskapar

Vi ser etter deg som:
• arbeider strukturert, tek ansvar og får saker ferdig
• har god vurderingsevne og forståing for rolla til administrasjonen i ein politisk styrt organisasjon
• kommuniserer klart, presist og tillitsskapande, både munnleg og skriftleg
• trivst med ei variert arbeidskvardag og handterer fleire oppgåver samtidig
• samarbeider godt med ulike fagmiljø og byggjer gode relasjonar
• er løysingsorientert og ser moglegheiter for forbetring og utvikling

Vi tilbyr
• ei sentral rolle tett på kommunen si leiing
• varierte, utfordrande og meiningsfulle arbeidsoppgåver
• høve til å påverke struktur, kvalitet og utvikling i organisasjonen
• eit fagleg sterkt arbeidsmiljø med engasjerte kollegaer
• løn etter avtale og gode pensjons- og forsikringsordningar

Ulstein kommune er ein framoverlent kommune. Vi arbeider for å gi innbyggjarane gode tenester, sikre god styring og utvikle kommunen i lag med tilsette, folkevalde, innbyggjarar og samarbeidspartar. Vi ønskjer søkjarar med ulik bakgrunn, kompetanse og erfaring. Tilsetjing skjer på vanlege kommunale vilkår. 

Kontaktinformasjon

Jarl Martin Møller, Kommunedirektør, +47 97506761

Arbeidsstad

Sjøgata 63

6065 ULSTEINVIK

Nøkkelinformasjon:

Arbeidsgivar: Ulstein kommune

Referansenr.: 5152118481

Stillingsprosent: 100%

Fast

Søknadsfrist: 16.08.2026