Vil du bidra til god areal- og samfunnsutvikling i Rogaland? Landbruksavdelinga har ledig ei fast stilling

 Om stillinga

Statsforvaltaren skal tidleg i prosessar formidle nasjonal politikk og prioriteringar, og landbruksavdelinga skal vere kompetansesenter for kommunane på landbruks- og matområdet. Rettleiing og oppfølging av kommunane er difor ein sentral del av stillinga, og du må kunne halde innlegg på kurs og konferansar. 
 
Rogaland har areal av stor nasjonal verdi for matproduksjon. Som rådgivar hos oss vil du bidra til å sikre verdifulle jordbruksareal og kulturlandskap, og du blir ein del av eit godt fagmiljø i landbruksavdelinga. Vi ønskjer oss ein kollega med sterk interesse for arealforvaltning, og som kjenner godt til dei landbruksmessige utfordringane i fylket.
 Arbeidsoppgåver

Du vil få arbeide med:
 • saksbehandling og utgreiings- og samarbeidsoppgåver i planprosessar og enkeltsaker på tvers av fagfelt
• gi høyringsinnspel til kommunale og regionale planar
• gi uttale til dispensasjonssaker etter plan- og bygningslov
• bidra med landbruksfagleg kompetanse inn i ulike prosessar
• saksbehandling av jordlov- og konsesjonslovsaker

 Kvalifikasjonar

Vi søker etter ein person med god kjennskap til landbruket i Rogaland, og som vil arbeide med samfunns- og arealplanlegging og arealforvaltning. Vi ønskjer oss ein dyktig medarbeidar som:
 • har relevant utdanning på mastergradsnivå, med fagleg tyngde innan arealplanlegging. Utdanning på lågare nivå kan kompenserast med relevant erfaring.
• har erfaring frå til dømes arealplanlegging og samfunnsplanlegging
• har GIS/kartkompetanse
• har god kunnskap om landbruk, landbruksregelverket og plan- og bygningslova.

Den som blir tilsett i stillinga må vere open for endringar i oppgåver og ansvarsområde som følgje av endring i prioritering og oppdrag for avdelinga, ut frå kapasitet og kompetanse.