Vi har ledig stilling som spesialprest for ungdom og unge vaksne i Sogndal. Sogndal er den største kommunen i Sogn prosti, med om lag 12200 innbyggjarar og med ungdomskull i overkant av 100. Kommunen er det viktigaste skulesenteret i Sogn og Fjordane, og den vidaregåande skulen har 750 elevar med mange hybelbuande elevar frå regionen. Sogndal folkehøgskule har om lag 100 elevar, medan Høgskulen på Vestlandet sitt Campus har om lag 2.500 studentar.

Sogn prosti dekkar kommunane Årdal, Lærdal, Aurland, Luster, Sogndal, og Vik. Her er 12,5 prestestillingar. Prosten samlar med jamne mellomrom prestane i prostiet til fagleg utvikling, åndeleg fellesskap og kollegafellesskap.

Indre Sogn byd på storslått natur med høge fjell, djupe fjordar og vakre, levande bygder, for fastbuande og tilreisande. Sjå til dømes www.fjellsprortfestivalen.no. Her er svært gode tilhøve for allsidig og aktivt friluftsliv heile året.

Du som vert tilsett vil gjere presteteneste særleg retta mot ungdom og unge vaksne i skule- og studiesenteret Sogndal. Som ungdomsprest har du det faglege hovudansvaret for konfirmantundervisning i Sogndal kommune, i tett samarbeid med sekretær, sokneprestar, diakon, trusopplæringsleiar og andre kyrkjeleg tilsette og frivillige. Det er god oppslutnad om konfirmantarbeidet, med om lag 100 konfirmantar i året, fordelt på fem sokn og tre ungdomsskular. Andre trusopplæringstiltak har også stor oppslutnad. Sokna har i fellesskap eit gjennomarbeida opplegg for konfirmantåret, med mellom anna undervisningssamlingar, konfirmantleir, aktivitetsgrupper, gudstenester, konfirmantdagar med meir. Det ligg også til stillinga å ha kontakt med eksisterande ungdomsklubbar og fritidsaktivitetar for ungdom i området.

Du som blir tilsett får stor fridom til å utforme og bidra innan ungdoms- og unge vaksne arbeid ut over konfirmantarbeidet, både etter eige initiativ og i samarbeid med lag og organisasjonar i bygda. Bjørgvin bispedøme har ei satsning på Unge vaksne i Sogndal, Førde, Bergen og Stord. Desse stillingane blir ein del av eit kompetansenettverk i bispedømeet for erfaringsdeling.

Sogndal er tenestestad. Spesialpresten har kontor saman med dei andre tilsette i kyrkja i Sogndal. Sogndal kyrkjekontor ligg på Stedjetunet like ved Stedje kyrkje i Sogndal sentrum. Der har òg prosten sitt kontor. Stillinga som spesialprest har prosten som arbeidsleiar. 

 

Fleire som vil satse i Sogn?

Sogndal og omland er ein stad der er det er mange spanande arbeidsplassar for eventuell ektefelle. Ta gjerne kontakt med prost for å sondere dette!

 

Vi ber om at søknad med CV, vitnemål, attestar og referansar blir sendt via Webcruiter.

Arbeidsoppgåver
• Presteteneste for ungdom og studentar i skule – og studiesenteret Sogndal
• Konfirmasjonsundervisning og konfirmantarbeid
• Beredskap etter gjeldande ordning for Den norske kyrkja
• Noko tenestearbeid med gudstenester og kyrkjelege handlingar

Kvalifikasjonar
• Cand.theol. med praktikum eller tilsvarande/master i teologi og praktikum
• Medlemskap i Den norske kyrkja

Personlege eigenskapar
• Evne til å kommunisere om kristen tru med unge menneske.
• Evne til å tenkje heilskapleg og samarbeidsretta om det kristne tilbodet for ungdom og unge vaksne i regionssenteret.
• Evne til å leie samarbeid med frivillige medarbeidarar og tilsette med ulik fagbakgrunn
• Evne og vilje til samarbeid
• Søkjar må kunne samarbeida også liturgisk med kollegaer uavhengig av kjønn eller teologisk usemje

Vi tilbyr
• Stillinga er plassert i stillingskode 0922 kapellan etter KA sitt tariffområde
• Pensjonsordning hos KLP
• Reiseutgifter godtgjort etter gjeldande regulativ
• Til løna kjem særskilte regulativmessige godtgjersler
• Mentor-ordning
• Arbeidsrettleiing (ABV)
 

Andre opplysningar Målforma er nynorsk. Søkarar må opplyse om ein nyttar begge dei norske målformene. 

Søkjar bør ha førerkort klasse B og disponere bil. 

Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke. 

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20. 

Kontaktinformasjon

Kjell Olav Høstaker Nordheim, Prost i Sogn, 48243056

Therese Nesse Mokkelbost, HR-sjef i Bjørgvin bispedøme, 93612276

Arbeidsstad

Kyrkjevegen 6

6856 Sogndal

Nøkkelinformasjon:

Arbeidsgivar: Den norske kirke

Referansenr.: 5050236197

Stillingsprosent: 100%

Fast

Søknadsfrist: 25.01.2026