Er du på jakt etter nye utfordringar?  Tenesteområde Bu og habilitering har ledig vikariat for off. godkjent vernepleiar/ sjukepleiar for perioden 23.2.2026-31.3.2027 ved Bakk-Ola-marka og for perioden 1.4.2026-1.4.2027 ved Dalevegen 30-32.

Bu og habilitering har ansvar for tenester til menneske med utviklingshemming og andre med funksjonsnedsetjingar som treng bistand eller tenester for å bu i eigen heim.

Stillinga ved Bakk-Ola-marka er pr. dags dato knytt til bustadar og utetenester for personar med funksjonsvariasjonar som treng tenester i form av praktisk bistand, opplæring, aktivisering i kvardagen, helsetenester i heimen 

Stillinga ved Dalevegen 30-32 er knytt til bustader og avlastningstiltak for barn og unge.

Vi søkjer etter deg som har kunnskap, erfaring og har interesse for arbeid med menneske med utfordrande åtferd og utviklingshemming. Den som vert tilsett må vere budd på å utføre arbeidsoppgåver/endre tenestestad i samsvar med  kommunen sitt behov til ei kvar tid.
Vi søkjer deg som har erfaring frå eller har interesse for arbeid med menneske med ulike utfordringar og behov, som likar å jobbe med varierte oppgåver i team og sjølvstendig.
Avdelingane i bu og habilitering har døgndrift gjennom heile veka, arbeid på helg skal samsvare med behovet på avdelinga. Vi jobbar med årsplanlegging og oppgåvedeling for å sikre fagkompetanse gjennom heile døgnet og året. Du kan få moglegheit til å gå langvakter på helg og i vekene. Dette vil gi deg fleksibel turnusordning, ein trygg arbeidskvardag med kjende kollegar på vakt og god balanse mellom arbeid og fritid. Stillingsprosent kan aukast opp til 100 % i årsturnusperiodene. 
Tenesteområdet har hatt ei auke i oppdrag siste åra noko som gir rom for fagleg utvikling og utfordringar i arbeidskvardagen. Tenesta har eit stort fokus på fag og den enkelte brukar si utvikling og behov. Vi søkjer etter deg som kan vere med å bidra inn i eit godt fag- og arbeidsmiljø, har godt humør og ståpåvilje.

Arbeidsoppgåver
• Leggje til rette for at den enkelte tenestemottakar skal ha eit tilbod som fremjer eigen kvardag der dei har medbestemmelse og er aktiv deltakar i eigen kvardag 
• Motivere til aktivitet, og bidra til opplæring av daglege gjeremål, ADL-ferdigheiter og meistring av eigen kvardag
• Sjå den enkelte tenestemottakar og deira behov ut i frå dei ressursar vi har tilgjengeleg
• Bidra til å skape ein trygg og forutsigbar kvardag 
• Samhandling med andre instansar som inngår i tenestetilbodet
• Samhandling med pårørande
• Lage gode planar og rutiner kring den enkelte ut i frå føresetnader og behov
• Oppgåver knytt til legemiddelhandtering og somatiske vurderingar

Justeringar og endringar innan for arbeidsgjevar sin styringsrett kan skje i samsvar med det som er kommunen sine behov til ei kvar tid.Kvalifikasjonar
• Off. godkjent vernepleiar eller sjukepleiar. Andre med 3 årig helse- eller sosialfagleg bakgrunn eller studentar i relevant utdanningsforløp, kan også søkje og verte vurderte for stillinga
• Du bør ha førarkort klasse B. Det er ønskeleg med manuelt gir
• Det vert stilt krav om politiattest ved tilsetjing 
• Relevant arbeidserfaring 

Personlege eigenskapar

Vi ynskjer at du: 
• er engasjert, fleksibel og har godt humør
• ynskjer å bida til å gi eit godt tilbod til bebuarane våre
• har kunnskap og interesse for og erfaring frå arbeid med menneske med psykisk utviklingshemming
• har evne til skriftleg og munnleg framstilling. Kommunen nyttar nynorsk i all skriftleg kommunikasjon
• er utviklingsorientert, serviceinnstilt og har gode samarbeidsevner
• kan arbeide målretta, systematisk og sjølvstendig 

Vi gjer ei heilskapleg vurdering av søkjarane og personlege eigenskapar vert vektlagde. Referansar vert nytta og aktuelle søkjarar kan verte kalla inn til intervju. I enkelte tilfelle vil det bli nytta gruppeintervju. 

Vi tilbyr
• Eit arbeidsmiljø med fokus på godt fagleg innhald og meistring
• Utfordrande og varierte arbeidsoppgåver 
• Gode kollegar og trivleg arbeidsmiljø
• Gode forsikrings og pensjonsvilkår:
Ørsta kommune har gode forsikringsordningar i KLP for sine tilsette, som også inkl. frivillig ulukkesforsikring på fritida. 
Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.
Som medlem i KLP får du i tillegg tilgong til ekstra gode vilkår på bank, forsikring og sparing.

 

Arbeidsvilkår: Dag/kveld inkl. helgar

Stillinga er plassert i HTA kap.4.gr.2- stillingar med krav om høgskuleutdanning

Tilsetting elles i samsvar med gjeldande lov- og regelverk.

Prøvetid
Prøvetid i faste stillingar er 6 mnd. I lengre vikariat er det høvesvis. Fråvær går til fråtrekk. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning for sine tilsette i KLP.

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf AML §14.


Dokumentasjon 
Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.


Om offentleglova
Når du søker jobb hos oss, vil namnet ditt stå på ei offentleg søkarliste, i samsvar med offentleglova §25. Ønsker du å at namnet ditt skal vere unnateke frå den offentlege søkarlista, må du grunngje dette i søknadsskjemaet. Dersom kommunen meiner at det ikkje er grunnlag for fritak, vil du få beskjed og få tilbod om å trekkje søknaden før endeleg søkjarliste vert laga.

Kontaktinformasjon

Guro Bakke Liaskar, Tenesteleiar, 90103223, guro.bakke.liaskar@orsata.kommune.no

Arbeidsstad

Anders Hovden-gata 27

6153 Ørsta

Nøkkelinformasjon:

Arbeidsgivar: Ørsta kommune

Referansenr.: 5047394229

Stillingsprosent: 100%

Vikar

Startdato: 23.02.2026

Sluttdato: 01.04.2027

Søknadsfrist: 12.01.2026