Om stillinga

Miljøavdelinga hos Statsforvaltaren i Vestland søkjer ein engasjert medarbeidar med juridisk eller teknisk/naturvitskapleg bakgrunn til ei spennande stilling innan forureiningstilsyn. 

Som forureiningsstyresmakt har Statsforvaltaren ansvar for sakshandsaming og tilsyn etter forureiningslova. Tilsynsgruppa vår følgjer opp bransjar som akvakultur, avløp og avfall, og kontrollerer at verksemdene etterlever krav i løyver og regelverk.

Som del av eit nasjonalt mål om auka tilsynsaktivitet, skal vi no styrke tilsynsgruppa vår. Økokrim har i ei nyleg trusselvurdering peika på at kontrollverksemda med forureinande bransjar må styrkast, og at verkemiddelbruken må skjerpast der forureiningskriminalitet vert avdekka. 

I vårt arbeid møter vi dagleg både rettslege og faglege problemstillingar. Stillinga passer derfor godt både for deg som har juridisk bakgrunn og for deg som har teknisk/naturvitskapleg bakgrunn. 

Hos oss får du
• vere del av eit kompetent og tverrfagleg arbeidsmiljø som jobbar saman om meiningsfylte oppgåver innan eit viktig samfunnsområde 
• ein variert og spennande jobbkvardag med faglege utfordringar og høve til utvikling.

Forureiningsseksjonen har for tida 18 tilsette fordelt på kontora vår i Leikanger og Bergen. Stillinga vil ha kontorstad i Leikanger.

Arbeidsoppgåver
• Planlegge og gjennomføre tilsyn etter forureiningsregelverket 
• Utarbeide rapportar og følgje opp avvik som vert avdekte ved tilsyn
• Følgje opp brot på forureiningsregelverket  
• Ha kontakt med andre sektorstyresmakter, direktorat og organisasjonar
• Rettleie om miljøregelverket til offentlege og private aktørar
• Ev. gi juridisk bistand til dei andre faggruppene i forureiningsseksjonen

Stillinga vil kunne bli tillagt andre oppgåver innanfor fagområda i seksjonen.

Kvalifikasjonar
• Master i rettsvitskap/juridisk embetseksamen, eller relevant høgare teknisk eller naturfagleg utdanning på mastergradsnivå
• Søkjarar med bachelorgrad som i tillegg har særskilt relevant erfaring vil også bli vurderte
• God oversikt over lovverk, verkemiddel og nasjonal politikk på forureiningsområdet er ein fordel
• Erfaring frå offentleg miljøforvaltning er ein fordel
• Førarkort klasse B 

Personlege eigenskapar
• Du er strukturert og sjølvstendig 
• Du tar initiativ og har gjennomføringsevne
• Du har god vurderingsevne og rolleforståing
• Du har gode samarbeidsevner, godt humør og bidrar positivt til arbeidsmiljøet 
• Du har gode kommunikasjonsevner med god munnleg og skriftleg framstillingsevne på norsk (nynorsk)

Ved vurdering av formelt kvalifiserte kandidatar vil personleg eigenskapar bli vektlagt.

Som tilsett hos Statsforvaltaren får du
• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• delvis heimekontor 
• fleksibel arbeidstid
• løn i samsvar med vår lokale lønspolitikk

Vil du jobbe hos oss? | Statsforvaltaren i Vestland
Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid. 

Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. 

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå HK-dir. 

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. 

Stillinga er lønna i stillingskode 1434 rådgjevar/1364 seniorrådgjevar, frå kr 610 000–770 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn. 

Dei første seks månadane er prøvetid. Du kan lese meir om det i statens personalhandbok.

Tenestemålet til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.