Vi tilbyr spennande sommarjobb i Heimetenesten i Ørsta kommune!  I tidsrommet juni og ut august.  Vi treng både sjukepleiarar, vernepleiarar, fagarbeidarar, studentar, ufaglærte og pensjonistar.

Tilsetting vert gjort forløpande. Vi ber deg om å skrive i søknaden tidsrom du kan arbeide og om du har særskilt ønsker om arbeidsstad. Søkjarar som kan arbeide heile perioden vert prioriterte. 

Tenesteområdet heimetenesten i Ørsta sentrum omfattar: 
• Heimetenesten i sentrum(aust/vest)
• Praktisk bistand
• Bufellesskapet på Bakk-Ola-marka

Tenesteområdet  Heimetenesten yter tenester til menneske som har behov for hjelp og støtte på grunn av sjukdom, alderdom og funksjonsnedsetting. Dette inkluderer blant anna hjelp til egenmestring, rehabilitering, hjelp til daglege aktivitetar, pleie og omsorg, medisinsk behandling, samt psykososial støtte. Måler er å sikre at dei som bur i eigen heim, får ein trygg og verdig kvardag som møter deira individuelle behov.

Du får jobbe tverrfagleg med andre yrkesgrupper og instansar. Vi søkjer deg som har erfaring frå eller har interesse for arbeid med menneske med ulike  behov og som likar å jobbe med varierte oppgåver i team og sjølvstendig. Det vil bli gitt naudsynt opplæring. 

Vi har døgndrift gjennom heile veka, arbeid på helg skal samsvare med behovet på avdelinga. Vi jobbar med årsplanlegging og oppgåvedeling for å sikre fagkompetanse gjennom heile døgnet og året. Du vil kunne få moglegheit til å gå langvakter på helg og i vekene. Dette vil gi deg fleksibel turnusordning og ein trygg arbeidskvardag med kjende kollegar på vakt. 

Tenesteområdet gir rom for fagleg utvikling og utfordringar i arbeidskvardagen. Tenesta har eit stort fokus på fag og den enkelte brukar sine behov og medverknad. Vi søkjer etter deg som kan vere med å bidra inn i eit godt fag- og arbeidsmiljø, har godt humør og ståpåvilje. 

Arbeidsoppgåver
• Følgje og oppretthalde rutiner knytt til avdelinga og den enkelte tenestemottakar sine tenester og behov
• Journalføring

Kvalifikasjonar
• Du må beherske norsk skriftleg og munnleg
• Du må du ha førarkort klasse B. 
• Det vert stilt krav om politiattest for alle som jobbar i den kommunale helse- og omsorgstenesta. Jf. Helse- og omsorgstjenesteloven § 5-4.
• Vi søkjer hovudsak etter arbeidstakarar over 18 år eller som fyller 18 år i 2026. 

Personlege eigenskapar
• Du er engasjert, fleksibel og har godt humør
• Du kan jobbe sjølvstendig
• Du ynskjer å bida til å gi eit godt tilbod til brukarane våre
• Du bidrege positivt inn mot personalgruppa og arbeidsmiljøet

Vi tilbyr

Som ferievikar hos oss får du ein variert arbeidsdag i lag med mange kjekke medarbeidarar!  Du møter mange nye menneske og får med deg ei god arbeidserfaring vidare i arbeidslivet. Om du ikkje bur i Ørsta, kjem du i tillegg til ei nynorskbygd i hjartet av Sunnmørsalpane med eit mangfald av flotte turmål

Kommunen har gode Ørsta kommune har gode forsikringsordningar i KLP for sine tilsette.  Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon. 

Tilsetjing skjer elles på dei vilkår og med dei rettar som går fram av gjeldande tariffavtalar og kommunale reglement. 

Framlegging av vitnemål og attestar saman med søknaden er ein føresetnad for best mogleg sakshandsaming.  Vitnemål og attestar dannar grunnlag for fastsetjing av ansiennitet og rett løn.  Vi ber om at attestar og vitnemål lastast opp som vedlegg til søknaden din.

Ørsta kommune tilbyr følgande lønsnivå til studentar innan helse- og sosialfag*:
• Sjukepleie- og vernepleiestudent utan autorisasjon ferdig med 1.år (60 stp.) - 85% av løn høgskuleutdanna
• Sjukepleie- og vernepleiestudent utan autorisasjon ferdig med 2.året (120 stp) - 90% av løn høgskuleutdanna
• Sjukepleie- og vernepleiestudent utan autorisasjon ferdig med 3.året (180 stp) - 95% av løn høgskuleutdanna
• Anna relevant høgskuleutdanning fullført 60 stp. - utgangspunkt ass.løn utan ans. + tillegg kr 7 000
• Anna relevant høgskuleutdanning fullført 120 stp. -utgangspunkt ass.løn utan ans. + tillegg kr 14 000
• Anna relevant høgskuleutdanning fullført 180 stp. - Løn tilsvarande fagarbeidar (+ evt ansiennitet) 
* For å vere kvalifisert til denne løna må søkjaren levere dokumentasjon frå vitnemålsportalen på studie samt fullførte studiepoeng innan utgangen av vikarperioden.

Kontaktinformasjon

Laila Bjørkedal, Avd.leiar heimetenester aust, 952 07 829, laila.bjorkedal@orsta.kommune.no

Nina Ulstein, Avd.leiar heimetenester vest, 953 60 759, nina.ulstein@orsta.kommune.no

Agnes Kubon-Rzeszutek, Avd.leiar heimetenester Bakk-Ola-marka, 902 19 443, agnes.kubon-rzeszutek@orsta.kommune.no

Sigrun Halkjelsvik, Tenesteleiar Heimetenester, 48010415, sigrun.halkjelsvik@orsta.kommune.no

Arbeidsstad

Rådhuset

6153 Ørsta

Nøkkelinformasjon:

Arbeidsgivar: Ørsta kommune

Referansenr.: 5060578346

Stillingsprosent: 0%

Sommarjobb

Søknadsfrist: 01.04.2026