Rådgjevar/spesialkonsulent -  Nettverk/SikkerheitAdministrasjon IT - 100 % fast stilling 

Omtale av stillingaKvinnherad kommune satsar på effektive og framtidsretta tenester. Me søkjer deg som kan ivareta både daglege driftsoppgåvene, samt vera pådrivar for vidareutviklinga av nettverks- og sikkerheitsløysningene våre. Me er stolte over vår framtidsretta driftsplattform, og det volumet me i dag har ansvaret for. Våre tenester vert nytta på mange lokasjonar og treff over 3000 brukarar. IT avdelinga er organisert under Administrasjon. Avdelinga har ansvar for drift, nettverk og infrastruktur på eige datasenter og mange utelokasjonar elles i organisasjonen. Digitalisering og teknisk utvikling er viktige satsingsområde for kommunen. Kommunen har ein solid teknisk infrastruktur, som organisasjonen er avhengig av fungerer optimalt til ei kvar tid.

For å sikra kontinuitet og tilgang på naudsynt kompetanse er det viktig å styrkja bemanninga på IT avdelinga.

Oppstart etter avtale. 

Oppgåver og ansvar i stillinga:

Drift, installasjon, dokumentasjon, analyse, feilretting og vedlikehald av nettverk, infrastruktur og sikkerheitsprodukt.
Prosjektdeltaking internt og i samarbeid med andre kommunar/digi-nettverk
IT-avdelinga har etablert 24/7/365 vaktordning for kritiske system. Den som vert tilsett vil bli vurdert/må pårekna å inngå i denne vaktordninga.

Dela kunnskap og erfaring med kollega og bidra aktivt til utvikling av avdelinga samt laga opplæringsmateriell, skriftleg dokumentasjon og veiledning slik at mest mogleg kan løysast i førstelinja hos IT-avdelinga. Noko support mot brukargrupper må påreknas til tider.

Kvalifikasjonar:

Generell kompetanse knytt til IKT infrastruktur, forståing for klient/server, nettverk og systemforvaltning.
Høgskule- eller universitetsutdanning innan IT eller annan relevant utdanning på bachelornivå eller høgare.
Relevant erfaring og sertifisering kan kompensera for manglande formell utdanning
Høg kompetanse innafor området trådlaus teknologi.
Brei erfaring med nettverksteknologi (switching, routing, brannmur, NGFW, SD-WAN)
Brei erfaring med Cisco-produkt.
Erfaring med hybrid/skyløysningar som EntraID.
Kunnskap og erfaring med Linux.
Ynskjeleg med minimum 5 års erfaring innan nettverk/sikkerheit.
Kunnskap om internasjonale sikkerheitsstandarar som NIS/NIS2/Digitalsikkerheitslov.

Arbeidsspråket i Kvinnherad kommune er nynorsk. Kjem du frå eit land utanfor Norden må du beherska norsk på minst C1-nivå. Du må beherska engelsk fordi kommunikasjon med leverandør og dokumentasjon av systemet ofte er på engelsk.
Førarkort kl B.

Personlege eigenskapar:Serviceinnstilt, utadvendt og vant til dialog med kundar og sluttbrukarar
Bidra til eit positivt arbeidsmiljø
Du må vera ein god problemløysar, vant med kompleks feilsøking i nettverk.
Du samarbeidar godt med andre, men også sjølvstendig når det krevst
Trivast med å driva fram endringar og få organisasjonen til å dra i same retning
Jobba sjølvstendig, er strukturert og fleksibel
Analytisk og løysningsorientert tilnærming til arbeidsoppgåvene
Samarbeida godt med andre, også i tverrfaglege grupper

Personlege eigenskapar vil bli vektlagt

 

Me tilbyr• Tilsetjing skjer etter gjeldande vilkår for kommunale arbeidstakarar i samsvar med HTA og AML
• Pensjonsordning, ulykkes- og gruppelivsforsikring gjennom KLP
• Gode arbeidstilhøve i eit godt arbeidsmiljø
• Dekning av flytteutgifter etter nærare reglar
• Ingen eigedomsskatt pr idag for hus, hytter og næring
• Gratis SFO og søskenmoderasjon i barnehagen
• Bur du i Kvinnherad og er i jobb, kan du etter eitt år få sletta 25 000 kroner av studielånet.

Gyldig politiattest må framleggjast der det er påkrevd.

Link til søknadsskjema: Søk her