Vestland tannhelseteneste - Husnes tannklinikk har ledig ein 100% stilling som tannlege med tiltreding snarast råd. Avgangskull 26 kan også søkje.

Husnes er ein tettstad i Kvinnherad kommune i Vestland med 2 243 innbyggjarar per 1. januar 2023. Staden er omgitt av fjell og fjordar, og ligg i nærleiken av Rosendal med Baroniet i Rosendal og som er blandt mange turistmål. Mange flotte fjell og turområder . Husnes er handlesenter i kommunen med blant anna butikkar, servicetilbod, kafe, hotell, bibliotek og kulturhus. Husnes kulturhus har både kino og eit rikt kulturprogram.
Sentrum ligg idyllisk til ved Opsangervatnet. Rundt vatnet er det flott turløype og du finn også ei kjekk strand nesten midt i sentrum. Her er det flott tilrettelagt slik at du kan ta ein liten rast ved vatnet. Vil du gå litt lenger, så er det mange flotte og merka vandreløyper i området.
Husnes tannklinikk ligg under Stord/Tysnes/Kvinnherad klinikkområde, og er ein klinikk for 3 tannlegar, 2 tannpleiar og 3 tannhelsesekretærar. Har og spesialist i endodonti tilknyttet klinikken. Varierte arbeidsoppgåver og gode mogelegheiter for fagleg utvikling.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

 Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis. Vi behandler hovudsakleg prioriterte pasientgrupper, men tar også i mot vaksne, betalande pasientar.

Vi har ein unik kompetanse, tilbyr spesialistbehandling og driv fagleg utvikling og forsking. Gjennom vårt førebyggjande arbeid, forsking og behandling legg vi grunnlaget for god folkehelse i Vestland.

Vi er om lag 550 tilsette fordelt på 55 tannklinikkar, ein intern fagstab og vårt kompetansesenter, TkVestland.

Arbeidsoppgåver
• Du utfører klinisk arbeid for alle pasientgrupper, inklusiv vaksne betalande pasientar.
• Du held deg fagleg oppdatert og følger gjeldande lover og retningslinjer for evidensbasert behandling, samt
jobber for å nå måla til Vestland tannhelseteneste.
• Du deltar i HMS-arbeid og kvalitetsutvikling, samt andre felles oppgåver for drift av klinikken.

Kvalifikasjonar
• Norsk autorisasjon som tannlege
• Behersker norsk som arbeidsspråk, skriftleg og munnleg
• Godkjend politiattest

Personlege eigenskapar

Du likar å arbeide med menneske og har alltid pasienten i fokus.

Du kan samhandle med ulike pasientgrupper. Du kommuniserer godt og har evne til å skapa gode relasjonar til pasientar, pårørande, kollegaer og andre samarbeidspartar. Du trivst med å jobbe i team og er aktivt med på å skape eit godt arbeidsmiljø.

Du arbeider systematisk, strukturert og planmessig for å nå måla våre.

Du er nysgjerrig og interessert i fagleg utvikling, du deler også kompetanse med andre.

Vi tilbyr
• Ein meiningsfull, samfunnsnyttig og variert arbeidskvardag med pasientar i alle aldrar
• Eit arbeidsmiljø med høg fagleg kompetanse
• Etterutdanning og kurs for fagleg og personleg utvikling
• Løn etter avtale, for nyutdanna er årsløna for tida kr 660.000,- + 50 000 kr rekrutteringstillegg
• Gode offentlege pensjons - og forsikringsordningar

Kontaktinformasjon

Diana Patricia Henriquez Quintero, klinikkleiar (tannlege), 48181607

Margareth Simonsen Råen, områdeleiar tannhelse, 99021332

Arbeidsstad

Stølshaugvegen 3

5460 Husnes

Nøkkelinformasjon:

Arbeidsgivar: Vestland fylkeskommune

Referansenr.: 5064251869

Stillingsprosent: 100%

Fast

Søknadsfrist: 01.02.2026